有時諗小朋友lunch, 下午茶食咩, 真係諗到頭都大????                又想佢有均衡飲食, 又要多元化吸引佢地食野, 真係唔簡單???? 早排上網睇到教用真正魚肉整燒賣, 好似幾特別喎! 自已又整下先....????   ????係咪好吸引呢???? 開餐啦!! 嘉士伯????     材料: 鯇魚 冬菇 (浸水備用) 蔥 燒賣皮  首先用匙羹"刮" 出魚肉  "刮" 出魚肉要檢查一下, 可能會有細骨或筋 然後將魚肉剁幾下備用  將冬菇 蔥(切粒)和魚蓉, 落麻油 生粉 白胡椒粉 鹽調味 (全部調味料少許) 用筷子將所有材料順事針方向攪至起膠即可  燒賣皮放在手的虎口上面, 中間放入餡料, 自然會成形  包好啦!! (蟹子隨個人喜愛) 然後水滾後隔水蒸8分鐘, 搞掂食得????   *調味部份因為整比小朋友食所以少許, 大人可落豉油 辣椒油調味 (仲正????)   如果小朋友有偏食(唔食蔬菜)可將蔬菜切粒撈入魚蓉亦得????