DAY 4 行程:     台北花園大酒店 →   蜂大咖啡 (早餐)  →  臺北市立動物園 →  貓空纜車  → HELLO KITTY Shabu-Shabu (晚餐)  → 台北花園大酒店   唉..... 話咁快黎到 day 4啦!! 唔知係咪前一晚buffet 食得太多，呢日我... 肚+胃勁唔舒服 完全係頂到上心口咁，肚痛、胃痛、肚柯..... 食左正露丸+搽油舒緩左好多 本身爸B見我面清口唇白  就話取消呢日行程留係酒店休息   但我唔想小霸王失望  所以我堅持繼續  唯有將照顧小霸王的重任交晒俾爸B   呢日早餐揀左好多人介紹的蜂大咖啡 我冇食只係飲左杯茶消下滯 爸B 話一般囉!! 但服務麻麻，好似好趕咁，迫你走咁     Day 4 第一個行程 - 臺北市立動物園   由西門町去的話，坐捷運去到動物園站，就攪掂!! (全程大約45分鐘)   入場門票: 成人 NT60，學齡前兒童免費入園    懷住興奮心情入去呢個動物園...GOGOGO     奈何呢個動物園真係好好大呀! 好似迷宮咁 我地都睇晒90%動物，但有D 太遠影唔到，有D太熱唔出黎， 有D 居然係吉左，有D 維修中..... 再加上.... 天氣太熱太曬 (唔話你知以為係夏天多D囉!)   PS: 我仲係好唔舒服架! 只好不停飲寶礦力補充下     行左大約2小時，我地就決定轉場 坐接駁車去"動物園南站" --> 貓空纜車    完全同昂坪360 冇分別，但價錢差好遠囉! NT70 / 100 / 120  單程成人，未滿6歲之兒童可免費搭乘 (視乎你邊站坐)   • 平常日旅客持悠遊卡享有20元折扣優惠(例假日及政府公告之放(補)假日不折扣優惠)。 • 使用悠遊卡前往市立動物園後，再搭乘貓空纜車享有20元折扣優惠。   計返港幣來回一百蚊有找呀!! 車程約20分鐘 睇下風景吹下風休息下  真係好正!     話咁快就到，午餐時間 一出貓空站就有小食，選擇唔算多，但夠你飽肚 時間多的話，都有其他食店任你揀     食飽飽後，就周圍行下.... 本身只係諗住係周邊行下，點知越行越遠...... 又唔想行返轉頭... 最後... 我地係變左"行山日" 由於我地係推車仔 (小霸王瞓埋覺)，我地唔可以行出路只可行車路   車路(車行) - 15分鐘 山路 (人行) - 90分鐘 車路 (人行) - 120分鐘   哈哈! 估唔到我地可以俾預期時間快呀, 唔洗2小時行到下一站"指南宮站" 平時係香港都冇乜點行山，黎到台北居然行山，真係好好笑!!   最令我意外的是，行完山個胃/肚舒服左好多啦!!     行完山天都快黑，所以我地就去下個行程 - HELLO KITTY Shabu-Shabu    出發前都搜尋過，Kitty cafe 裝修中冇得潮聖 但好彩有間HELLO KITTY Shabu-Shabu    ** 旅客的話，一定要出發前去FB 預約定呀!! 真係好FULL 架! 完全冇WALK IN **   位置唔算十分方便 - 捷運忠孝敦化站3號出口 --> 步行5分鐘  用GOOGLE MAP 幫手就簡單好多     唔係KITTY 迷的我，見到D DECO. 都... 哇哇哇... 真係好靚! 仲有好多精品買   二大一小叫左以下食品同飲品 雪花牛五花火鍋餐 NT550 松板豬火鍋餐 NT550 飲品 - 粉紅蘋果、青蘋果摩西多 各NT100 額外加多個烏冬 NT50 (火鍋餐已包含:  主食(烏冬/飯)、野菜拼盤、茶碗蒸(蛋)   湯底:  昆布/豚骨/蕃茄/麻辣 (任選 2種)   ** 每位最低消費NT390，120 公分以下 NT150**     以主題餐廳黎講，算很好! 價錢合埋得黎食材都不錯! 一人一鍋夠食架! 服務都好好!!    而小Kitty 迷仲成功冧掂爸B買個 Shabu-Shabu版的Hellokitty公仔 (故此: 呢個kitty 公仔個名叫改左做Shabu-Shabu啦) 大個女左，真係唔同d，識得揀野!     晚餐後就返酒店啦! 因我真係需要好好休息! 亦辛苦晒爸B 呢日全程照顧小霸王!   Info: 蜂大咖啡: https://www.facebook.com/pages/%E8%9C%82%E5%A4%A7%E5%92%96%E5%95%A1/183855974985361 臺北市立動物園 (木柵動物園): http://www.zoo.gov.taipei/ 貓空纜車: http://www.gondola.taipei/ HelloKitty Shabu Shabu: https://www.facebook.com/kitty.shabu/