今晚除夕係2016年最後一晚，我哋都選擇咗出街食，漫無目的咁行，見到一間充滿兒時回憶裝修嘅車仔麵，就走咗入嚟試一試！         全店裝修都係舊屋邨風格，懷舊海報、多款舊電掣裝飾，充滿七八十年代香港味道。           老闆好聰明，選用了美術用的蠟筆去俾客人落單，而餸單就過咗膠，所以客人點選了餸單之後，可以用濕布輕輕一抹就可以重用，十分環保值得欣賞！         三十幾款車仔餸，老闆話係佢親自調味炮製。必食嘅咖喱魷魚，係用咗長過40cm嘅阿根廷乾魷魚去整，用三日時間浸透，超香魷魚味，會唔會誇張咗D。 仲有限量供應的金沙青，同埋薄切牛舌芯，真係勁爽勁入味！     呢個蝴蝶腩套餐都好抵食，不過星期六日假期就冇份食lu...     媽咪疴打咗三碗唔同餸唔同麵嘅車仔麵，D麵又紅又綠又烏卒卒，勁得意小朋友勁想食               3隻色加埋一齊，芊芊大啖大啖咁「雪」落肚     流心蛋真係流心，無花無假啱啱好！   呢塊牛舌芯真係........無得傾，超爽超好味   蝴蝶腩都好「林」好入味       好少食嘢唔駛我吹，兩位大少同小姐好快就食完，十六座車仔麵已經列入我一家必到之選名單啦，可以再Encore!!!         Photo by CANON 5D Mark IV, Len | EF 24-70mm f2.8L II USM   想跟我去體驗其他活動，快D報名親子團，同埋留意專頁公佈詳情啦！     http://goo.gl/forms/CNZMEPoMIWkouK8o2   呀劍評分: 9分   呀劍評語: 好啱一家大細去食，枱唔算高，連芊芊都可以坐到。雖然地方唔算大，但係都坐得唔算好逼，不過帶住BB的就冇咁方便。至於嘢食唔駛我多講啦，價錢都好合理唔算貴！     地址 太子花園街215A號地鋪 營業時間 星期一至日11:30am-10:30pm 電話 60604660 (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk