上次去過J-Plus玩過烘焙教室之後，真係玩過番尋味，所以今次嚟到美國冒險樂園黃埔分店再Encore       自從黃埔港鐵通車後，我哋由太子搭去黃埔都唔駛15分鐘，真係超方便   喺黃埔港鐵站C2出口，步行3分鐘就到聚寶坊，落到地庫一層就進入樂園啦！好大好靚好多彩虹呀，未開始玩見到個場已經好興奮       我哋今日第一個節目先到烘焙教室整餅！黃埔分店的這個烘焙室真係超大，我覺得差唔多有2,000呎，真係約埋一班朋友仔嚟呢度開Party都得   小胋士：參加烘焙教室指定糕餅班 可獲大型機動遊戲一節；如在烘焙教室舉辦生日會，更可免費全日任玩彈跳迷宮。     呢個場景梗係俾小朋友整完蛋糕出嚟影番張相啦     這裡提供好多唔同款式嘅蛋糕曲奇製作，DIY蛋糕$189，造型曲奇$129     好似我頭先咁講，仲可以幫小朋友喺度攪番個小廚師Party   詳情大家去番官網慢慢睇，實在有太多款式花多眼亂！網上報名仲有$30優惠㗎     場內環境好精緻，好似去咗一間糖果屋咁！小朋友入到嚟都經已超開心     有足夠嘅廚具供大人小朋友一齊整蛋糕曲奇！     所有材料準備就緒   着番件型仔圍裙先！     首先我哋一開始就用打蛋器將牛油打成一團         哥哥自己親自出馬(因為爸爸要影相原故)，但係佢都做得有板有眼喎！         打成一團後就要用工具將盆內分散的牛油撥在一處         好嘢！初步完成，進入下一個步驟   跟住加入糖霜，然後又繼續用打蛋器「發！發！發！」     然後揀自己鍾意嘅色素，滴一滴落去攪勻     攪完出嚟即刻唔同哂，見到就好想食   之後再將所有攪拌好的Cream放入膠套       將Cream擠好之後就可以預備唧落去預先焗好的Cup Cake度啦   芊芊有媽咪幫手之下都唧得好靚       哥哥就...不過佢都好叻叻，由頭到尾冇要人幫佢！唧得唔靚又見到隔離飯香都冇會話唔開心...         芊「我偷食先...」   最後再「嬸」D 七彩糖粒就大功告成     其實又真係幾靚喎！我都忍唔住想即刻食   各位小朋友同自己嚟番張大合照先       嚟緊2月1日開始，有情人節特別款式 $299/6杯，仲包大型機動遊戲一節及$100代幣、Hey yo! VIP會籍一個、嘉許狀.       [video]   跟住我哋下一個節目將會參與美國冒險樂園嘅全新課程「都巿小農夫」，記住Click入去睇啦     下一站>>CLICK HERE! 【親子好去處】美國冒險樂園(黃埔旗艦店) 都巿小農夫 JP Garden @JUMPIN GYM USA   Photo by CANON 5D Mark IV, Len | EF 24-70mm f2.8L II USM   呀劍評分: 10分   呀劍評語: 環境100分，材料用具100分，導師專業態度100分！價錢都唔算貴，出去買件蛋糕都差唔多呢個價，更何況係可以自己親手製作DIY，仲可以來個親子製作！冇得輸     烘焙教室 簡介 烘焙教室專為家長與子女一起享受製作糕餅而設，以半製成食材教材，簡化製作過程，小朋友可從中學習製作糕餅的基本技巧。   地址 黃埔花園十一期聚寶坊地庫   課程時間(因應不同蛋糕款式有不同的課程日期與時間) http://www.jumpingym.com/bakery/online-application 收費 造型曲奇 $129 DIY蛋糕 $189 (即場報名，不設網上預約，其他資料請向職員查詢) http://www.jumpingym.com/bakery   交通 港鐵黃埔站C1出口，步行3分鐘   電話 2362 3855 網頁 www.jumpingym.com (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk