今次同小JM去旅行已經叫做帶少左好多野， 無他既，因為吸收左「第一次」既經驗， 自自然然就會容易左預備， 再者就係因為小JM已經大左， 所以要預備既野自然會少啲。   雖然係帶少左野， 但媽媽我依舊會帶定少少媽媽奶以備不時之需。 為左Keep媽媽奶，我決定帶藍冰種同「尿片冰種」！ 因為藍冰種攜帶既數量會受到限制， 所以自製「尿片冰種」就會好啲！ （而且仲可以慳錢喔！簡直係一舉兩得！）   其實要整尿片冰種一啲都唔難， 仲好容易整添！ 只要你有齊以下幾樣野就可以開始整架啦！ 不如我地又一齊去睇下點整「尿片冰種」啦！     「尿片冰種」製作： 材料：  尿片    一條（小JM而家用緊中碼片片喔！） 儲奶袋    數個 較剪    一把 湯匙    一隻 水杯    一個 開水    適量   製作流程：  1.）先將尿片打開，備用。再預備開水並倒入杯中備用。   2.）將開水倒入尿片中直至尿片變成漲卜卜。        3.）當尿片變成漲卜卜後，就可預備較剪，以剪開尿片。        4.）    先預備好奶袋及湯匙     再以較剪將尿片剪開，並取出吸水珠珠。           5.）    剪開尿片後，用湯匙小心地將吸水珠盛起並置入儲奶袋中。        6.）    將儲奶袋填滿並密封妥當即可完成。        7.）    最後，就只需要幾尿片冰種冷藏於冰櫃內即可。     待需要時取出便可使用。     尿片冰袋製作簡易又方便，而且價錢便宜， 想幾時整都得。 岩晒出街、出外旅行用，用完就算唔要都唔會浪費太多公錢。   有需要既話，你地都可以試下整來用架！         ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）