DAY 5 行程:     台北花園大酒店 →   台北牛乳大王 (早餐)  →  中正紀念堂 →  國立台灣博物館 → 南門市場 (午餐)  → 台北花園大酒店  → 台灣桃園機場 → 香港機場 → 屋企   五天台北遊的最後一天，以簡單+近近地為主 雖則係夜晚六點機，但計埋提早兩小時到機場+去機場又要一小時 所以得返半天多D玩! ^^   一早收拾好行李，到大堂CHECK OUT+寄存行李，就出發 先用GOOGLE MAP 找尋最近的郵局位置 因我地要寄明信片，五天旅程我都有叫小霸王自己每天揀一張明信片 然後返酒店畫返有關當日佢最難忘的事/物 (佢以畫食物為主... 哈哈) 五日.... 足足寫左13張明信片 寫明信片係我去旅行的一個小習慣，用文字記下行程/感受 呢次培養埋小霸王 (將來我可以有伴) 估唔到.... 小霸王仲寫埋俾姨媽/細姨/佢班主任，真窩心!!     第一次去台北郵局，原來同香港的差不多 但香港係排隊等候，台北就取票等號碼   明信片寄好晒，就去西門町搵早餐食 (唉.... 真係冇乜食店開... ) 最後揀左台北牛乳大王    呢間食店早餐一般，最好笑... d 早餐名唔係叫... 經濟餐、傳統餐.... 但冇寫係咩黎?? 我地都係是但叫.... 點知.... 阿姐話... 唔想等就叫同一個餐 呢張相係三個餐黎架....  不過小霸王.... 完全唔肯食... 話唔好味! 唉....      求其食飽就走吧~ 第一個行程 - 中正紀念堂   我的原定DAY 5行程已經係前幾日完成，所以..... 呢日的行程全部係"即興" 十年前我黎過呢到，所以先唔諗住黎 好彩有黎到咋.... 呢日天氣咁好，影相真係特別靚     地方夠大足夠俾小朋友周圍跑跑跳跳     中正紀念堂 - 蔣介石先生? 太細了小霸王....我都唔多講解佢知 (仿且... 歷史真係我弱項...)     逗留左成個鐘後，時間尚早 (但唔多) 就睇下就近有咩行  居然見到呢個小景點 - 國立台灣博物館 完全唔知係咩.... 只係想消磨下時間     我地冇入去參觀，只係在外圍行下 意想不到居然會有個小菜田同埋魚池 第一次見到種植中的西蘭花，好開心 小小的地方卻可以讓我家小霸王睇足半小時以上，好開心地走黎走去 比去遊樂場更開心，真奇怪!!     睇飽就去近近地的南門市場搵野食 呢到地下係好多手信買的地方 一樓就商店+Food court   Food court 都幾多款食物任你揀 我地隨便揀左兩間黎試，味道都不錯! 價錢都OK     跟住就坐捷運返酒店取行李，再去台北車站坐國光客運 1819去機場 唔夠四點鐘就到，好彩都有得CHECK IN  提早入閘  主要係俾小霸王玩下Kitty 迷你遊樂場     TERMINAL 2 周圍都見到KITTY   好PINK 呢位小朋友  玩完仲可以用剩餘的台幣買佢想買的KITTY 開心到佢.... ^_^     真係要同台北說BYE BYE啦!! 下次.... 不知幾時先會再黎台北     5日台北遊  完結!!   Info: 台北牛乳大王: http://www.tmkchain.com.tw/ 中正紀念堂: http://www.cksmh.gov.tw/ 國立台灣博物館南門園區: http://www.ntm.gov.tw/tw/public/public.aspx?no=497