岩岩係政府醫院產檢完，產科姑娘話我知，醫管局係2月21日推出左一個流動應用程式 「喜程」為準媽媽送上實用既懷孕資訊，APP可以紀錄個人身體健康狀況，等各準媽媽可以輕鬆愉快咁迎接新生命。   返到屋企就試下Download la ,用落發覺依個apps真係對準媽媽黎講好有用同時又好貼地， 好多時，新手媽媽都好有多疑問，究竟我宜家呢個懷孕期有咩要注意？有咩應該食有咩唔應該接觸？ 而網上面又有好多唔同既答案，究竟邊個答案先岩？ 依個app可以俾到一個正確既答案同方向俾各位諗住懷孕，準媽媽同已經迎接左新生命既媽媽。 無論係產前或者產後既問題都一一可以幫到你俾到指引你。   APP有好多好有用功能，又有齊晒公立醫院既資料，可以睇晒所有公立醫院既產房點去呀 有咩注意事項咁 亦提供入院出院須知既資訊 親友探訪時間 連攞出世紙既教學都有埋 可以算係生仔既百科全書 好似我咁，係APP入面記錄左係QE生，就會顯示晒醫院既野，好方便 另外亦有血糖同血壓記錄 有咩情況有異常都即時睇到再去睇醫生  臨盆時亦有陣痛時計 容易預計到幾時會生得   最值得讚既就係APP入面個文庫 文庫即係頭先所講將絕大部份既準媽媽疑問都一一用文章去解答 由產前檢查 妊娠不適同併發症 分娩及產後護理 有關傳染病既疑慮 孕婦營養同健康生活 母乳餵哺 到新生兒既護理等等既事 都會用文章去幫大家釋除疑慮     我都幫老公download 埋，等佢可以閒時刨下書，有咩都可以叫佢睇定嘛  APP入面連走路袋CHECK LIST都有埋 老公執袋靠佢喇