較早之前分享過有關「產後脫髮」既Blog， 文中都有提我曾經因為產後脫髮而轉換左好幾次洗頭水。 今次，我想講我終於搵岩啦！    前言  由中學時代開始一直都係留住長頭髮，就算有左小JM，甚至到生小JM之前都唔捨剪短啲頭髮。但係就發覺生完小JM後半年左右就開始有脫髮問題，而且問題都算有啲嚴重（相比起未有BB／ 未生BB前）。多到連奶奶、老公，甚至連姐姐都話我甩左好多頭髮係地下。。。有時洗完頭梳頭個陣都會有好多頭髮甩出來，真係會嚇親自己。＊ 已經叫做少左，仲要未計一路洗頭一路甩個啲＊ 好開心早前收到 NEU HAAR 既試用邀請，試用左佢地既活髮系列 － FORM 4 （包括：洗髮乳、護髮乳、養髮水及VitalBrush）。     NEU HAAR 係德國品牌，而活髮系列 FORM 4 係由德國既護髮專家PhD. Herbert Deutz 用左四年幾時間而研發出來架，而且呢一系列既產品係採用天然植物萃取成份，所以能夠有效咁做到深層清潔頭皮既效果，同時FORM 4已經通過左歐洲既安全測試同臨床驗證添！ FORM 4活髮系列係為有脫髮煩惱既人仕而設計既，所以產後脫髮一樣岩用，所以就試一試！ ( 最重要係成份天然，咁就唔會影響到我餵母乳呀嘛！）     洗髮乳：   一打開樽蓋就已經聞到一陣陣既植物香味，味道唔算誇張，亦唔濃烈，係可以接受既程度。洗髮前先將洗髮乳倒於掌心之中，加少少水，搓至起泡就可以揉落頭髮度，揉落頭髮度個陣不妨配以指尖按摩，會有助刺激頭皮既血液循環。 但因為有VitalBrush既關係，我就連用指尖按摩都慳返，可以實行一路洗一路用VitalBrush按摩添。VitalBrush仲可以洗淨頭皮既污穢同角質，同時亦可以解決毛孔阻塞而引起既脫髮問題 讚指數：（因為有VitalBrush，所以有4個）   護髮乳： 護髮乳既質地既教稠身，有啲似牙膏狀。但以護髮乳來講，FORM 4唔會太過於油潤，恰到好處，呢樣係有別於一般既護髮乳。 用左之後亦唔會出油，呢一點係值得欣賞既。 （因為我本身都比較討厭護髮乳既油淋淋感覺，同用完會易出左頭油） 當用完洗髮乳之後，就可以用護髮乳，搽係髮尾 （一啲比較易開叉或受損既地方），輕輕揉按，再等5分鐘左右就可以沖水架啦 讚指數：   養髮水：  洗完頭等頭髮乾後就可以使用養護水，使用時只需要輕輕噴下就可以，簡單易用。 我有時貪方便出街前都會噴一下，再梳一梳頭，啲頭髮都順滑啲。 讚指數：     試用總括：  用左六星期後整體感覺都唔錯。用左六個星期真係見到頭髮係明顯順滑左、柔順左。而且就算即時洗完頭即用梳去梳理頭髮都唔會好似以前咁易打結，同時亦明顯甩髮既情況有改善到，唔再係以前咁一梳就成梳頭髮。（唔打結真係好好多，至少唔駛痛！） 而且試過起身無梳頭既情況下明顯地頭髮都唔會話打晒結，依然好順滑，特別而家行開行埋要湊囡，隨手就要紮起頭髮，紮頭髮個陣都覺得頭髮係順左，同唔會再好似之前咁乾旱。 最重要最重要係我唔駛再聽到老公同姐姐講：「你啲頭髮又甩到周圍都有啦！」 因為真係太傷人。。。   而個人比較欣賞同鍾意 FORM 4既 VitalBrush同護髮乳。 所以要搵到一隻岩產後媽媽用既洗髮同護髮用品真係唔易架， 最重要係可以幫手解決媽媽們產後脫髮既煩惱問題。 有興趣既媽媽們不妨留意下 NEU HAAR既專頁， 佢地亦會不定期送出試用裝架！       ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）