終於去到29週，醫生第一次話(un吱吱)所有野都正常 由當初唐氏檢查出高風險，嚇到即刻喊出黎， 拿拿林book做nifty話係低風險。 再去到結構檢查，胎盤過低 (由於大女係32週早產B，醫生好緊張，怕又早，仲要之前唐氏檢查， 我既汗以蒙過低，會影響胎兒發育，所以安排多2次超聲波檢查) 直到28週檢查前，唔敢亂郁亂走。 好彩到檢查既一刻，胎盤去返正常位，而且可能太過養尊處優， un吱吱吱有1.350kg(過重標準係1.380)，聽到係開心既 不過大細要等4月再check，先可以確認發育大細是否正常， 最後一關希望順利通過！亦希望妹妹唔好好似姐姐甘偷步出黎。 繼續每日早睡早起，多菜飲湯均衡飲食 但係今胎可能少左郁動，有抽筋同坐骨神經痛， 早前去左試產前按摩，按摩師好好，除左幫我按身， 仲幫我通返淋巴，通完之後胸部軟返好多， 按摩師話原來好多媽媽產前都係因為淋巴塞，供唔到足夠營養比胎兒， 同埋產後奶量唔夠，所以佢話我忍到痛，盡量幫我通返好好 過幾日再去嘆過，懷孕過程雖然辛苦，但都要對自己好d