我同細細b 真係好多謝大家既鼓勵同支持。細細b終於平平安安出世啦。2.87kg 。 朝早6點幾同老公食左個早餐，因為聽媽媽谷既媽媽講，一落催生藥就唔可以食野，所以如果大家去催生前都食飽飽先，唔係真係冇力生。 醫生話8點要到醫院，我地都遲左少少，同老公去左急症室入院登記部登記，再上C2病房，拎晒走佬袋，咁姑娘就同我駁機聽細細b既心跳，之後就等醫生同我做宮頸檢查，真係聽到到好驚，因為如果我宮頸夠軟夠成熟就可以即刻上產房，落藥催生，如果唔夠成熟就要塞藥令到宮頸軟令到佢成熟，即係又要等第二日朝早等醫生檢查，我真係果陣求神拜佛一定要軟要成熟。老公一直係病房等我消息，如果今日入唔到產房，我就叫佢下午返工，唔好晒左一日假。 終於醫生尼喇，我真係勁緊張，好好彩，超痛既檢查換尼既答案係我可以即係上產房啦。 之後醫生幫我種豆，嘩～好痛 支管又長 ！ 10:30 上產房啦，上到去駁晒機，睇住bb既心跳，我既宮縮 10:45 正式落催生藥 同打左兩支抗生素 11:15 開始有反應 少少肚痛feel  12點 終於有姑娘帶老公入尼 老公係度冇咁悶 但一直都有姑娘出出入入 隔一隔就有人幫我度血壓 加重藥既份量 換下藥  醫生時不時尼check下開左幾度，一直都講緊two fingers one cm 咁 我都唔知咩意思 哈哈 我真係唔太想佢check 痛到飛起 到2:45 開始覺得真係痛  痛到冇再同老公講野 但係都仲接受到 宮縮到宮縮之間仲有少少休息時間  大約4:10 突然間痛到失控 好有痾屎既感覺 （因為之前一直冇好強烈既痾屎感，以為仲有耐先生得）姑娘即刻叫我用笑氣 吸左兩下笑氣 叫我打側個身 老公幫我提高一隻腳 用腳力撐住 就叫我用力痾 痾左兩下 呼下吸下  4:16分 細細b 終於比我痾左出尼啦  老公幫細細b剪臍帶 姑娘冇幫我剪到會陰 佢話入面爆左少少 問我 唔打麻醉針 幫我聯兩下 好冇 我話好 點知都幾痛 哈哈 不過果陣已經同我前世男朋友細細b skin to skin 攬住左 望住個衰豬 咩痛都唔理啦  之後因爲未上得病房，同老公係咁同細細b係產房度影相，Whatsapp 去同屋企人朋友度報喜。 6點上得病房，好好彩，排到私家病房獨立房，老公去買野比我，之後同我食埋先走。 好累啦 姑娘話幫我睇bb 叫我好好休息。 真係好多謝晒咁多人既鼓勵同支持，好warm 。   細細b hello咁多位靚姨姨