我返來啦！ 帶著小B去旅行の 福岡篇又係時候要浮面見下人啦！   今次旅程媽媽我覺得好開心， 因為旅程之後發覺小JM好似大個左，識既野多左。 係旅途上遇到好多媽媽們詢問帶小B去旅行既問題， 媽媽們見到我地帶著小B都會問： 「佢咁細坐飛機會唔會喊架？」 答：其實小JM食飽左上機只係玩一陣就訓著左，到落機前先醒，所以完全無喊喊豬呢個問題   「佢咁細可以食得啲咩呀？」 答：我帶左炆燒杯同小JM食開既米去旅行，再帶或者去到當地買啲Baby Food撈埋食就得啦！   「佢咁細咪會好扭計囉？」 答：以小JM來講唔算會好扭計，因為暫時小B們專注力未係好高，         所以去行唔同既地方都會對佢地來講有好大既吸引力。   「咦！你架BB車可以帶得上機既？」 答：嗯，架新戰車係為左去旅行而買既，係可以直接自己拎得上機既款，     所以好方便，一落機就可以開返來用，而唔需要再等機組人員拎出來。   「要帶好多野咪好麻煩囉？」 答：其實都好depend on你帶小B去咩國家，如果係台灣、日本既話其實係好易就買到小B們既用品同食物，       所以都唔係需要帶太多，當然都要帶定少少小B平時食開既野，以防小B一下子既唔適應啦！ 等等。。。   其實我都好開心可以同其他媽媽分享帶小B去旅行既小小心得， 因為帶小B去出國都係一種體驗。   當然，香港依然仲有好多值得帶小B去既地方啦！ 來緊四月我地亦都為左小B安排左好多節目， 希望到時小JM會鍾意啦！   今次既福岡之旅日子雖然係短啲， 但仍然叫人回味， 單單係由布院溫泉就已經夠晒令人忘懷，仲要有個市集好多野睇好多野食添！   講返今次間酒店先啦 爸爸話酒店整體都有三粒星既。 雖然有未夠完善既地方， 但以呢個位置來講都叫做尚算OK啦！   酒店：MYSTAYS飯店 - 福岡天神 位置：3-5-7 Tenjin, Cyuo-ku, Fukuoka, Japan （天神站附近）   酒店同機場距離只係大約 9km， 所以都算近，大約20零分鐘左右車程 最尾尾個朝早仲有時間嘆完早餐再掃多少少野先去機場添！   係機場外邊就已經有巴士直接去到天神站， 所以都幾方便，至少唔駛轉車先啦！ 係機場門口就已經可以坐 1號 巴士架啦！ 搭幾個站就到，可以話係方便到一個點！     以下為酒店外觀及大堂實景圖喔！ 大堂尚算整齊同寬闊喔， 唔會俾人好焗促既感覺。 前枱員工可以以簡單英語作溝通， 服務亦算不錯。 去完由布院住左一晚後，我地亦都係住返呢間酒店， 而職員都好好人，一早就已經幫我地將原先Keep起既行李預先送左上房， 變相我地一落車返到酒店推住BB既時候都唔駛拎住幾個喼咁唔方便嘛。     酒店房間實境圖：  房間大細尚算還可，可以放得落一個大喼及兩個細喼， 而且小JM架BB車就算長期開住都一樣無問題。 所以空間都唔算太細，整體感覺不錯。   但沖涼方面就無提供俾小B用既浴盤， 所以今次同小B沖涼都要媽媽一齊沖， 變相媽咪都要濕身。 （媽媽係預訂時已經send email問過，但無提供喔！）   值得一讚既係房間內有一部空氣清新機， 岩晒我地，因為我地一家幾口都有不同程度既鼻敏感。 但開住空氣清新機來訓就真係好舒服。   當然，酒店有好既地方既同時亦存在有「唔太okay」既地方， 今次覺得唔太okay既係指 － 無冷氣！   事源係咁既：  夜晚大家行完又食飽之後就緊係早啲返酒度休息， 再準備聽朝去玩架啦， 當大家都沖好晒涼諗住 Hea下之制就發現好點解間房好似越來越焗， 原來係酒店房係天氣凍既日子係無冷氣，只得暖氣架！   正因為咁，我地就只好開住個窗同空氣清新機來訓！ 好彩，酒店外圍環境都算安靜， 所以都叫做可以接受。     酒店位置    ： 酒店環境    ： 酒店設備    ： 員工服務態度： 酒店清潔度    ：   所以整體而言都叫做尚算不俗既。 不過如果爸爸媽媽冬天去既話就要考慮下接唔接受到無冷氣要開窗訓啦！       ♫ ESDlife靚太Club 。 星級榮譽會員 ★sleepyceci  ♬ ♩BK Milk。親子語。駐站Blogger  ★傑。斯與晴  ♪ ♫ Mami Buy香港媽咪幫。駐站Blogger ★傑。斯與晴  ♬ ♩Ohpama。Oh爸媽。駐站Blogger  ★傑。斯與晴  ♪   歡迎追蹤 小JM 既Fanspage 「傑。斯與晴」：   如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）