日常生活中，大家唔多唔少都會養成咗一啲壞習慣。呢啲看似唔嚴重嘅習慣，輕則會整病你，重則就同呢個世界早啲bye bye。專家指出10個導致早死嘅壞習慣，真係唔講唔知喎！快啲睇睇中咗幾多樣先~ 早死的10個壞習慣： 1. 經常翹腳 2. 經常彎腰搬重嘢 3. 經常揸住份報紙坐廁所坐好耐 4. 缺乏運動 5. 啱啱瞓醒立即起身落床 6. 經常對住部電腦 7. 缺乏飲水 8. 經常食好熱嘅嘢 9. 經常飲咖啡、奶茶或綠茶 10. 排便時用大氣力谷啲便便出嚟 嘩！數數埋埋，都中咗唔少喎！我唔想咁早死呀！ 大家又唔駛咁驚！其實未必會去到「早死」咁嚴重。不過唔好嘅嘢keep住經常做，對身體或多或少都會帶來壞影響。但係要將壞習慣改好，大家都知唔係一件容易嘅事。正所謂「冰封三尺，非一日之寒」，壞習慣唔係一日就可以養成，想用兩、三日就改好，當然係妙想天開啦！   世界上，想改壞習慣嘅人多的是，但有恆心、時時提醒自己、日日改善嘅人就唔多喇！要「搣甩」壞習慣，首先要下定決心同埋多鼓勵自己，唔好畀老毛病又再復發。係要好有恆心㗎！由今日起，就同啲壞習慣畫清界線啦！ 晴朗天 - 食·玩·育·美·愛の親子平台 facebook專頁：https://www.facebook.com/happytrain123 blog：http://blog.xuite.net/chinglongtin/blog