平時都係我陪心心呢度去果度去 今次就唔同喇 今期香港歷史博物館做緊玩具傳奇 好開心見返好多兒時玩具 每件見到都嘩嘩聲 諗起細個原來成日送玩具俾我既係我舅母 哈哈~ 就連復活節都有座山咁高既復活蛋呢~ 仲有舅父既紅白機、媽咪送俾我既豬仔錢罌 由紅磡火車站行過去約10分鐘 穿過港晶中心就係喇 展館分為3部份 建議睇左最底層既STAR WAR, THOMAS既戶外展區先 再買票入場 另一層就係玩既多,有GOOSE同麥兜俾你影個夠 再有大隻LEGO 切雪花積木 年齡由識行到10歲都有野玩 再去另一part展館就係睇既多 睇返好多兒時玩具 例如係跑車賽道、紅白機、game boy 車迷請留意,有唔同款既巴士、交通工具俾你慢慢欣賞 穿過香港故事館就係鴨仔展館 自成一角 一塊草地俾你同鴨鴨影相 玩具好吸引,而且入場仲有小禮物 計劃旅程: 交通: 紅磡火車站行過去約10分鐘 尖東都可以, 要喺香格里拉出口出 帶車仔係可以,不過最好星期一至五,紅磡火車站天橋有升降機落,不過只開星期一至五 入場 門口thomas、star war影相免費,其他$10 入場,星期二休館、3點後開始多人 食物: 場入面有懷舊茶記,不過目測好似無high chair,可以喺港晶果邊食左先 禮物: 每星期禮物不同,可以參考呢度,今日到4月2日係可愛黃鴨仔呢 http://hk.history.museum/documents/54401/6105095/promotion_schedule.pdf 更多有關詳情 http://hk.history.museum/zh_TW/web/mh/exhibition/current.html 小恩子的港女生活簡介: 由全職工作轉為全職母親,愛煮、愛食、愛減肥、愛帶心姐四圍去找新鮮事,每天生存都是為家庭,想與我一起分享家事! 多點到訪吧! facebook, seewiseblog, blogspot, ohpama, Sundaykiss, yahoo