副食品
戒夜奶
拼圖
教養
產後瘦身
積木
親子共讀
親子餐廳
貼紙書
追奶

【有heart小店】燃味棧

做人媽媽有時真係冇啖好食㗎!話說學校要家長協助小朋友準備做專題研習嘅資料,仲要計落考試分10%。收工就馬上撲去圖書館幫朗朗借書喇!搞到8點鐘圖書館都收工,先記起自己原來未食飯。經過「荃灣士林夜市」打算

做人媽媽有時真係冇啖好食㗎!話說學校要家長協助小朋友準備做專題研習嘅資料,仲要計落考試分10%。收工就馬上撲去圖書館幫朗朗借書喇!搞到8點鐘圖書館都收工,先記起自己原來未食飯。經過「荃灣士林夜市」打算食少少嘢就歸家,點知竟然有開心大發現呀!荃灣鱟地坊有多間小店售賣特色小食,呢間藍色小舖好吸睛,未知係食咩,但已經被佢嘅門面吸引咗埋去喇! 店舖原來主打嘅係烤卷,而其他小食都好吸引呀! 睇睇餐牌,決定試下佢哋嘅雞柳烤卷同埋小食併盤~ 落單嘅時候,店主問我加唔加$5可以加多款配料,芝士或菠蘿。都好喎!就加菠蘿啦! 新鮮熱辣嘅墨西哥雞柳烤卷出爐喇!馬上試味先!勁肚餓~ 唔好睇佢店子細細,原來側邊都放得到兩個座位。望住咁多幅美味食物相片,食慾都大增呀! 講番個烤卷,外皮剛烤起,放上手暖暖的。生菜新鮮脆卜卜,雞柳係最後放上去嘅,熱辣辣,而且醃得好好味!菠蘿帶出咗雞肉更鮮嘅味道,仲有鮮甜蕃茄,簡直冇得輸! 又想試芝士條,又想食薯角,叫小食拼盤就啱晒我呢啲心多多嘅人啦!XD 嘩!原來芝士條咁樣拉法啲芝士饀都唔斷,堅呀!唔怪得之佢個名叫做啦「馬蘇里拉芝士條」!外脆內軟,芝士味濃郁,必食推介! 薯角就係人都食過啦!一心以為冇咩特別,點知大有驚喜!外層勁脆,薯仔肉又熱辣辣。新鮮炸起果然唔同啲呀!好耐未食過咁正嘅薯角喇! 店主見我不停影相,問我係記者定blogger。哎吔!唔小心畀人發現咗添!@@''' 仲問我有冇興趣試下新出嘅「法式蘆筍巴馬臣芝士薯」。本應已經食到好飽,但見店主盛意拳拳,即管試試啦! 賣相有啲似炸燶咗嘅玉子豆腐喎! 外面鬆脆,內裡有啲蘆筍蓉,加埋濃郁嘅巴馬臣芝士,味道超讚!就好似麥記嘅薯餅變咗厚切版咁呀!而且菜味加薯味混雜。好回味!諗番起都想再食~ 除咗「燃味棧」外,「荃灣士林夜市」仲有好幾間小食店舖.... 好似呢間售埋玉子燒嘅日式小店,係咪好有日本風味呢? 原味玉子燒 蘋果、櫻花蝦、蔥味玉子燒 黑糖、紫薯玉子燒 紫菜明太子玉子燒,好想試埋呢款呀! 美式熱狗店 除咗唔同款式嘅熱狗外,仲有炸薯條、雞塊、洋蔥圈、魚手指、薯蓉......等等,全部都好吸引! 食飽仲可以過埋隔離間店食甜品添! 店舖售賣多款用椰皇製成嘅甜品,亦有班戟、布甸同果汁~ 「荃灣士林夜市」果然有種令我置身於台灣嘅感覺,越夜就越有風味呀! 「燃味棧」即叫即煮,食物味道帶畀我好多驚喜!而且店主熱情好客,亦關心食客嘅comment,都幾好傾呀!品嘗食物期間,見好幾個街坊嚟幫襯,都未開口,店主已經知道食客口味,支持者都唔少喎!相信好味同服務好先會keep到捧場客,我都好喜愛幫襯呢啲有heart小店呀!之後同朋友分享,原來朋友都去食街試過美式熱狗,仲極力推介我下次要試下。另外,串燒店都好好味!點解我冇留意到嘅?睇嚟下次要全家總動員出動先可以試晒咁多間嘅款式喇! 燃味棧 InTaste地址:荃灣鱟地坊80-84號華成樓B座地下B4號舖電話:6297 1314facebook:https://www.facebook.com/InTaste.com.hk