小周董其實一直都未去過迪士尼，今年迪士尼再度舉辦明星春日嘉年華，我地好開心被抽中參與其中一日的活動，小周董終於可以去迪士尼，佢足足興奮左成個星期，一去到迪士尼周圍都見到好多不同造型的復活蛋佈置，我地一於齊齊《猜猜誰•尋尋蛋》搵晒佢地出黎同佢地影張合照，古靈精怪的小周董尋蛋成功，佢話每張相都要有唔同POSE呢 ^^'' 迪士尼花蛋呈獻全新朋友，進駐各個園區，以可愛的造型跟大家玩轉春日嘉年華：多位以漫威超級英雄為主題的花蛋已經在明日世界出現，其中小周董最鐘意STAR WAR呢隻白乓蛋....佢話回家要畫返一隻喎!! 一場來到我地梗係去玩下STAR WAR最新遊戲啦~ 但因為要102CM才可以玩，所以小周董無得玩, 爸爸媽媽玩完後覺得好似過山車一樣刺激, ((太細小朋友真係唔建議玩囉~哈哈)) 接近100隻迪士尼花蛋遍佈樂園，每一步一行，隨時有花蛋在你身邊，男孩子除左鐘意STAR WAR一定就係鐘意IRON MAN啦~ 你睇下小周董扮IRON MAN入晒戲就知佢都係一個普通男孩，一樣迷戀SUEPR HERO ^^ IRON MAN新遊戲「鐵甲號」起飛後，大家會飛越香港壯麗的上空，俯瞰最新的香港史達大樓。爸爸玩過話超刺激，而且拎左FAST PASS等左5分鐘就玩得，一個字，爽!! 係爸爸玩IRON MAN既時間，小周董就去左美國小鎮大街的動畫藝術教室，畫下迪士尼動畫，小周董雖然只係亂畫，但過程中見到佢對畫畫都好有興趣，至少肯坐定定己經係一大進步呢 ^^ 今次迪士尼明星春日嘉年華重頭戲，當然係睇巡遊同埋迪士尼明星嘉年華列車啦。米奇老鼠、米妮老鼠、唐老鴨、黛絲、高飛、布魯托、鋼牙奇奇及大鼻帝帝等一眾迪士尼明星穿起全新春日服裝，在顏色斑斕、鮮艷花色設計的火車上，高高興興地慶祝春天到來。加入車隊行列的，更有《優獸大都會》的朱迪及阿力、《愛麗絲夢遊仙境》的愛麗絲及白兔、《富貴貓》的瑪麗、七個小矮人、跳跳虎及豬仔等超過30位迪士尼明星，他們幻化出一列花枝招展的車隊，載歌載舞，將嘉年華氣氛推向最高峰！ 見到各位主角都換晒春裝，好可愛好有春日的感覺呢 ^^ 睇完迪士尼明星嘉年華列車，小周董排隊玩左WINNIE THE POOH同埋玩左N次迴轉木馬。 迪士尼明星春日嘉年華充滿創意的園藝花圃，遍佈整個樂園，小周董見到米妮一個人係個心心入面，佢話要入去陪米妮玩，仲話要整個心心手比佢添~哈哈!!! 玩到差不多6PM我地就去見下近期大熱，亦都係本月迪士尼明星《美女與野獸》，我地要同貝兒及野獸見面囉^^ WOOW.....野獸好高大好MAN啊~小周董見到佢竟然叫佢做......COW，哈哈, 笑死!! 男仔對野獸無咩感覺，因為見到公主己經心心眼啦，公主仲好NICE同小周董傾左幾句計添^^ 玩左成日肚仔餓~ 我地就去左迪士尼好萊塢酒店米奇廚師餐廳食返個自助晚餐，仲參加埋餐廳內一個小小工作坊，配合埋今個月主題《美女與野獸》，齊齊做個杯子蛋糕來個親子DIY。 小周董換好小廚師裝束，就同媽媽一齊整朵靚靚玫瑰先 經過媽媽一番努力~《美女與野獸》CUP CAKE大功告成~ 好靚啊!! 小周董眼望望表示......好想食...哈哈!! 只顧住食的小朋友 ^^'' 令次係迪士尼首次推出「『米奇廚師親親星期天』自助晚餐連杯子蛋糕親子DIY」，讓你的小寶貝於春日嘉年華期間，於米奇廚師餐廳一邊享用自助晚餐，一邊發揮廚藝，讓春日嘉年華更添難忘驚喜！ 日期：2017年3月19日，26日，4月2日，9日，16日，23日，30日，5月7日，14日，21日，28日 時間：親子DIY活動將在自助晚餐期間進行 自助晚餐價格：成人：港幣$ 498; 兒童：港幣 $ 338，另加10％服務費。 親子DIY活動不收取額外費用。 地點：迪士尼好萊塢酒店米奇廚師餐廳 查詢和預訂：3510-5000 迪士尼今個月主題《美女與野獸》去到邊都見到，連自助餐甜品位置都見到，D甜品真係做得好精緻，好睇又好味。 但小周董依然只係鐘意佢的IRON MAN~ 食2件? 佢話太睇少我啦!! 哈哈 今日真係好開心可以來到迪士尼明星春日嘉年華，最後係餐廳見到米奇，小周董仲同米奇玩起上來，米奇又吱佢又攬佢，最後米奇仲鍚左佢一大啖添，攪到小周董不知幾開心，如果你地都想睇有關攪笑片段，歡迎去小周董世界FANS PAGE睇啊 ^^ www.facebook.com/1437ritaandhim https://www.hongkongdisneyland.com/zh-hk/disney-friends-springtime-carnival/ #Oh爸媽 #廿四孝父母 #DisneyFriendsCarnival #迪士尼明星嘉年華 在此感謝迪士尼、OH爸媽及廿四孝父母，歡迎其他產品試用、出席活動或任何邀稿，電郵聯絡: ppqq1437@yahoo.com.hk 我其他15個BLOG分享包括: Instagram, Blogspot, Weshare, she.com, theZtyle, BeautyExchange, ELLE.com, Mamibuy, ClassesWePlay, style-tips, QOOZA, U Blog, iTrial, Esdlife靚太club, Mybb.com, OpenRice
