第一次去戲院?? 哈哈~ 真的 就黎五歲的小霸王真係第一次去戲院   自小小霸王都唔係咁鍾意睇卡通片同電影 就算佢最鍾意的NEMO / ARIEL.... 佢都係睇15分鐘左右就唔睇 你話?  去戲院點算??   直至近日  終於有得睇媽咪我最鍾意+期待的"美女與野獸" 我就問佢地有冇人肯陪我去睇   爸B 怕小霸王坐唔定就叫我自己去睇 點知?   小:  我陪你睇啦!  我: 吓? 真係? 小: 係! 你最鍾意BELLE，我一定陪你睇 我: 要坐成兩個鐘架喎! 你得唔得? 小: 陪你睇啦! (我唔敢相信佢，足足問左佢一星期，估唔到係佢追返我幾時睇)     等呢日，等左好耐.... 哈哈!     小霸王第一次去戲院，大成功!! 120分鐘中，100分鐘係自己坐定定睇，剩餘20分鐘... 頂唔住瞓左 睇完仲話下次又黎睇! (感動ing) yeah! 三人世界又多左一個活動啦!!  Thanks my love! (唔鍾意都陪我睇)     講完小霸王，都講下套電影 迪士尼動畫電影中，我最鍾意的是"美女與野獸" 睇完又睇都睇唔厭，真係好鍾意!!♥ 真人版 拍得好靚，好華麗 估唔到真人版的野獸更加可愛吸引，小朋友都好鍾意 Emma 飾演Belle，都好好睇 (只係佢演妙麗太深刻，所以... 有d confuse) 整體上，我都好鍾意!    好鍾意BELLE的勇敢、聰慧、善良、率直 亦都好鍾意BEAST的愚笨、深情、善良、溫柔 最鍾意"美女與野獸"的配樂/ 主題曲   「愛不是用眼看，而是用心探。」 「真正的美來自內心。」