作為一個九龍人加上陶B又係好動型既小朋友，單純既公園已經不能滿足莎拉及陶B了！踩單車係另一個可以極度放電既活動，其實市區都有唔少單車公園方便九龍友，九龍灣公園就係另一個好選擇！ 公園內只有一間單車鋪, 獨市生意價錢一定貴少少架啦. 公園雖然唔係好大, 但設計是環型, 對小朋友踩單車已好好玩. 公園內有一條天橋，如果小朋友既技術已有一定程度就可以踩上天橋玩，落斜衝下去時不知幾爽喔！ 當然如果技術麻麻或者係初學者，場內既圈都可以綀習吓，而最特別就是場內有個不同程序既小斜坡，對初學者或小朋友係度練習技巧都非常好架！ 呢條大直路仲可以比賽添呀.  睇我踩得幾快, 你追我唔到架啦. 九龍灣公園位置好方便，踩一陣單車玩夠仲可以行去附近既德福廣場或Megabox 行街食嘢添呀！啱晒我呢啲玩即興既市區媽咪喔！