今次要share依篇blog 係因為有媽媽谷既媽媽傷口護理唔好 ，搞到發炎又腫晒 要返醫院處理。 生完小羊羊時，我有剪到會陰，頭三日傷口會痛d，但第七日已經唔痛。 今次生完細細b，今次冇剪到，但都有少少列開，聯左幾針，開頭有少少痛，但第三日已經完全唔痛。 我覺得復原得咁快係因為處理陰部既方法，所以想share比大家。 執走佬袋時，大家記住拎依個會陰清洗瓶，搵個樽仔裝少少滴露，厚身紙盒紙巾，衛生巾。 以上依四樣野係for 大家每次去洗手間時使用既。 每次去洗手間，我都會換一塊新既衛生巾，入溫水同幾滴滴露落會陰清洗瓶度，方向也應該是由前往後，不可以由後面，以免傷口受到感染，之後再用厚身紙巾印乾。 真係唔好懶惰，保持傷口衛生，咁樣就會快點好。