唔經唔覺已經轉做全職媽2個月了，真係好唔簡單 首先當然係由決定，到真係遞信嘅子，中間嘅幾個月， 不停問自己"我係咪做到？我係咪頂得順？我係咪真係可以每日都咁多正能量？"等等等等 出嚟工作己經有10年，就算婚後倆口子嘅家務其實很小， 除咗擔心自己適應唔困在家的生活，都好擔心自己處理唔到屋企大大小小嘅家務 最後返工的一個月，我每日都諗全職之後嘅日程， 同埋盡量做晒D自己好想做，又唔可以帶女去做嘅事（例如做Facial，haha)  頭幾個星期其實好易過，之前好多地方想去但假日又多人，宜家可以盡情去 一星期有2天去玩，2天打理家務，1天休息，剛好爸爸又放2天假，好理想的生活 如是者過了大約3星期，我已經覺得非常攰＋悶 以前好媽媽的形象都完全不同了， 以前只有假期才會早晚餵飯，現在日日餵 以前只有假期才要面對出街扭抱，現在天天都扭 經過幾星期的扭抱，我亦都有D筋疲力盡嘅感覺 之後我開始對她嚴格（但又唔想令佢怕我，當我是惡媽，要控制自己的EQ才是最難） 要她自己行，自己食飯，很多事都放手給她自己做， 我只在傍邊指點佢，當佢做唔到發脾氣，我會叫佢慢慢試多次，我會等佢 大約2-3星期時間，佢已經變成另一個人咁，入屋會自己除鞋，除襪，除褸，放好 出街會自己行，反而我見佢街得耐，主動話包佢，佢有時都拒絕 之後戒片，更係幾日之內已經成功 雖然對大人嚟講，呢D都係小事，但對小朋友係一個好大嘅進步 佢見到自己原來可以做到咁多事情, 佢都好有成功感, 變得有自信 亦都因為覺得媽媽令佢學會更多事情, 佢比以前更愛我, 也學懂照顧我,即使只係做些簡單的事 但我已經覺得很窩心了, 真係乜都值返晒! 媽媽方面，還是要調整心理，日日夜夜對住佢，真係傾到無嘢再傾 所以唯有瞓小一點，接觸下外面世界，否則生活只有佢同爸爸，會變蠢 而且要搵小小自己興趣，平衡下自己，令自己開心 呢方面還是要努力努力 總結, 我覺得全職的之後的日子係有迷茫過, 但其實很開心,也絕對值得