產後返工第一日就收到風，公司將以遣散名義炒我。 其實一大肚時就預左會有哩一日，果時管家婆大秘書都俾左唔少難聽嘅說話我，只係比相像中快左些少。我自己無乜野，反正一直志不在此，人工唔錯，做下文員仔野，唔洗用腦就可以準時收工。炒左我仲好，仲可以多d時間陪住亞b；反而我亞頭好興，公司咁遲先通知佢，佢乜都幫唔到我。 好彩你精我都唔笨，放產假前我根本無完全handover我手上嘅工作俾人，教d唔教d，依家我走左，d 蘇州屎你地自己慢慢摸索啦！哈哈~ 什麼員工福利都係假，去到遣散哩一步，無論你工作能力有幾高，只要你成日放病假或者連放過幾星期幾個月病假，又好似我咁放左10星期產期，都會「優先」例入哩份名單中，只因為你嘅attendance 比人地少。 所以奉勸各位，以後有什麼頭暈身㷫都唔好請病假，病到死死下都要死番公司返工啦！想生仔？要有後著先好諗啦！