復活節假期將至，又係四出尋找活動畀小朋友嘅時候喇！我哋去咗荃新天地 x We嘩！充氣嘉年華合辦嘅「奇幻動物樂園」，佢哋嘅九大遊戲好玩到震呀！跟貼啲，跟住我哋嚟啦！ 長頸鹿樂園 票價：$50 | 遊戲時間：6分鐘 | 兒童身高限制：90-140cm 嘩！好大隻長頸鹿呀！晴朗一見到已經雙眼發光喇！*o* 晴晴二話不說已經跳咗入個圈度，得番兩隻腳朝天果下真係好好笑呀！XD 跳完一大輪，梗係要瀡下條樹幹滑梯啦！We~~~ 跳呀！彈呀！小朋友個個都變晒森林小泰山！wow~ ho~~ 森林探索車 票價：$50 | 遊戲時間：5分鐘 | 兒童體重限制：40KG以下 | 兒童身高限制：90-140cm 兩部黃色探索車以仿真實工程天秤機設計，好型仔喎！小朋友要操控天秤吊臂，考驗手、眼同身體協調，有冇信心先？ 似乎操作都ok喎！不過係慢dd啫！第一次玩算係咁，畀你哋順利過關啦！^^ 勇闖獨木橋 票價：$50 | 遊戲時間：2分鐘 | 兒童身高限制：90cm或以上 咁大隻馬騮揸住隻大香蕉，玩咩嘢㗎？ 原來戴上VR裝備後，就遙身一變成為馬騮仔，要響幾十層樓高嘅獨木橋行走去收集香蕉呀！ 身處於咁高嘅地方都唔怕！朗朗真係大膽喇！ 玩完仲有紀念品送，好開心！兩隻香蕉仔擦膠好可愛呀！ We嘩造型流沙 票價：$50 | 遊戲時間：8分鐘 未到夏天已經可以玩沙囉！gogogo~ 我哋屋企都有動力沙，但係咁大盤好玩好多呀！ 將啲沙放入唔同模具，造出唔同形狀，發揮無限創意！ 森林油樂園 票價：$50 | 遊戲時間：30分鐘 油顏色我哋至啱！揀番款心愛嘅動物幫佢加啲造型先~ 望埋去清一色都係女孩子，究竟係巧合定係女仔比較文靜呢？哈哈！ 晴晴好比心機油，為熊bear bear油上唔同顏色呀！ 有斑點嘅企鵝你又見過未丫？ 畫完之後攞去scan，隻動物就會出現響虛擬森林裡面㗎喇！ 晴晴設計嘅熊bear bear同我哋say Hello呀！Hi~ hi~~ 一於跟住佢一齊做運動啦！1234...2234... 森林世界 票價：$50 | 遊戲時間：6分鐘 | 兒童身高限制：80-120cm 色彩繽紛嘅彈床就至吸引小朋友㗎喇！快啲上去跳番轉喇喂！~ 小朋友有理冇理，總之係充氣彈床就一定會喪跳，有得玩就一定開心啦！ 熊啤啤方舟 票價：$50 | 遊戲時間：6分鐘 | 兒童身高限制：80-120cm 進入方舟後，又要挑戰膽量。係唔係大膽仔、大膽女，一試就知！ 呢個滑梯有成7米高，唔知晴朗夠唔夠膽瀡落嚟呢？ 似乎信心十足咁喎！Action~ 朗朗瀡呢啲高滑梯都係一時時，有時上到去都會縮沙㗎！而晴晴一向都係上到去就調頭走，估唔到今次兩個都放膽嘗試喎！仲要不停loop住瀡。6分鐘嘅鐘聲響起後，朗朗問點解咁快玩完？應該真係好玩到唔捨得停啦！XD 果王大挑戰 票價：$50 | 遊戲時間：2分鐘 | 兒童身高限制：90cm或以上 玩法係要響兩分鐘內合力切生果攞分，are you READY?? 晴朗全情投入，實行要切晒所有生果。我同晴朗爸爸在旁睇住佢哋玩嘅姿態，覺得好好笑呀！XD 玩完仲有禮物送添！吼~ 獅子嚟喇！ 越押威龍 票價：$50 | 遊戲時間：6分鐘 | 兒童身高限制：80-140cm 19呎高嘅巨型滑梯困住咗隻凶猛恐龍，情況好危急！又要接受新嘅考驗喇！ 闖過彈床區同滑梯，終於成功擺脫恐龍嘅追捕，好彩有驚無險咋！ 小朋友響裡面跳嚟跳去，恐龍就震到郁郁下，成件事變得好真實呀！XD 部份遊戲有高度限制，要玩就要留意高度喇！ 奇幻動物樂園真係好好玩呀！靜係充氣彈床都有好多款。晴朗佢哋一入親去就不停瀡完又爬，爬完又瀡咁玩滑梯，小朋友精力果然係無窮無盡呀！朗朗話「勇闖獨木橋」好真實，就算企到咁高佢都唔怕喎！好surprise「We嘩造型流沙」會安排每個小朋友自己一盤沙，可以有足夠空間畀佢哋發揮創意呀！晴晴最鍾意係響「森林油樂園」度同自己設計嘅動物嚟個擁抱，而朗朗就覺得「果王大挑戰」夠晒刺激！整個活動都安排得唔錯！除咗有多款彈床之外，仲有VR虛擬實境、AR擴增實境技術等新科技遊戲。大家快啲趁假期帶埋小朋友嚟荃新天地感受一下啦！ 睇埋精華片段就知我哋玩得幾咁狂野，幾咁開心喇！ citywalk荃新天地 x We嘩！充氣嘉年華 ‧ 奇幻動物樂園 票價：優惠套票 HK$150 (任選4次HK$50遊戲)；另設HK$50遊戲券 日期：2017年4月8日 - 4月17日 地址：香港荃灣楊屋道1號荃新天地1期及2期 時間：11:00 ~ 19:00 查詢電話：8203 3323 詳情可瀏覽：http://wekids.com.hk/wewaland/news_detail.php?id=46 網址：http://www.wewaland.com/ facebook：http://www.facebook.com/wewaland FIND US on: BLOGs: CONTACT US:
