自從阿仔開始大個左, 我都可以開始出動見下朋友仔 加上今次有朋友要請飲了,順道來一場派帖飯局啦 朋友仔話唔想再食d 西式,日式,放題真係食到好悶 有朋友又話真係唔想再食中餐,早排又新年又AD  重點又有朋友攪結婚食到好怕   所以今次有朋友就話不如試下長沙灣既潮匯館啦 主打係食潮洲菜,咁就可以試下不同既菜式啦     今次呢間餐廳絕對唔係係咩大街大巷 係位於福榮街附近既,係大球場落左車轉入去就係啦 裝修上帶點舊香港既味道，所以牆上設計都係有一些香港既建築 不過餐廳唔算好大，所以如果好似我地有幾枱我地咁大班既人就會變得好嘈     話明黎食潮州菜，又點少得潮州菜既鹵水菜式呀 係咁多鹵水菜入面就揀左鵝片享用   鹵水鵝片 $118   這鵝片吃下跟平常吃到的差不多,也好像沒什麼特別 不過份量上的確是比起平時吃到多一點點 肉質也不算特別上的"銀"     出街食飯,我覺得一定要有菜 懶係健康咁啦,始於我都係一個人食兩個人既份量 今次係大家決定下就揀左豆苗黎食,咁多隻菜入面我最鐘意就係豆苗   豆苗本身係平時買個陣都唔係一款平價菜, 加上有瑤柱,甘旬絲加上一些蒜頭炒起既豆苗就更加吸晴啦 不過唔知係唔係食開淡味既野呢?食呢道菜好似重味左些少 或者食左其他重味少少既食物可以中和下佢   瑤柱扒豆苗 $118   另外呢個就係我最想食既豆腐啦,唔知點解最鐘意係街食豆腐既菜式 開頭以為普通既炸豆腐但係點上附上既醬汁又好似唔同D    它外脆內嫩滑,即使是炸仍可以保留左豆腐中既嫩滑 不過就貴左DD 咁啦   它名為普寧炸豆腐 $88   再來呢個重點BOSS , 朋友仔話食潮洲野又點可能唔食粥架 正當我想叫白粥之時,朋友仔話識食梗係食蟹粥啦 蟹粥唔係要去澳門食架咩?   今次呢個粥窩由砂鍋送上既可令粥Keep 住暖之外 仲可以令蟹粥更加原汁原味,打開蓋香味更加令在場每位都嘩聲四起 呢窩粥有分大同標準Size,而我地幾個女仔都覺標準已經好夠飽, 起碼我地每人都可以食到一碗既粥   蟹類雙拼砂鍋粥 (時價，是晚$168)   食食下好似真係唔夠喉咁,所以朋友仔就話好想食個特式既食品 就決定揀左九肚魚黎食,平時我對於呢個食材冇咩特別好感 不過今次呢個椒鹽九肚魚,而椒鹽係做到岩岩好既效果 唔會太咸亦唔會只係食到成口粉 重點係整得好香口食下又一件食下又一件 不過為左身邊的那位,是時候忍忍口唔食咁多啦   椒鹽九肚魚 ($78)   為左唔想爆咁多粒粒既關係,我決定食一碗清熱既甜品 打開餐牌其實都有不少既甜品,不過在場各位朋友好似食得有點飽 對於包類點心就唔敢再叫,費時吃唔落 咁就等我試下呢個清心丸糖水 $20/客   糖水是以綠豆粒,加上清心丸做成 糖水是以冰糖煮成,清甜的有口感的, 是否做到清心解熱就不得知,但係的確可以令喉嚨舒緩一點   清心丸糖水 $20/客   如果要說它家有一處地方唔好既,就係好似當日我地坐近門口的位置 當每次有客人進入或者離開它就會非常之大風 大人還好小孩子未必頂得順,而途中既地方亦有地盤在 如果帶車仔/老人家就要加倍小心 但係佢地有Baby Sit 絕對係我既餐廳手記中絕對加分     今次介紹既地方係: 潮匯館 地址：長沙灣福榮街544-554號聯邦廣場地下     希望你地都喜歡小妹既介紹啦   想隨時留意小妹及小PQ生活點滴同Blog 文分享       記得要Like 我既專頁啦 ↓↓↓↓↓↓↓   ◕‿◕如有任何問題歡迎聯絡小妹  電郵:manman811@gmail.com    以下地方可以找到小妹架^^   BlogSpot ❤ Instagram ❤ OpenRice  ❤ FB 專頁 TheZtyle ❤ BeautyLife ❤ She Blog ❤  U Beauty ❤ Beauty Exchange