唔覺唔覺原來復活節行程已經排到密密麻麻。其中一個活動係去D・Park x 麥田捕手復活節市集整番隻獨一無二嘅火箭蛋呀！除咗工作坊之外，仲可以到市集shopping一番，簡直係滿載而歸呀！嚟到D・Park第一件事，就係去整晴朗熱切期待嘅火箭蛋喇！ 工作坊有唔同嘅物料同顏色畀小朋友設計。晴朗開始發揮小宇宙，一心想創作出獨一無二嘅復活蛋呀！ 在蛋上畫上圖案、貼上貼紙、珠片同毛毛球，密密手，似乎好有靈感咁喎！ 晴晴幫隻蛋加咗個橙色毛毛球，話呢個係蛋嘅尾巴嚟呀！好搞笑~ XD 設計好隻蛋之後，就可以揀火箭腳嘅顏色喇！ 職員好熟手咁幫我哋貼上火箭腳~ 完成喇！Yeah!!! 朗朗選擇唔加火箭腳，話唔加已經好靚喇喎！滿足感爆燈呀！ 之後晴晴想玩埋印水紙。好啦！揀番兩款靚靚圖案先~ 職員幫晴晴加啲水，話咁快就印好喇！ 晴晴以前對於畫手畫面嘅活動好抗拒，但越大越貪靚，今次仲主動要求玩印水紙添！哈哈！睇佢嘅笑容就知幾咁滿意啦！ 有氣球，又有爆谷食，巧開jump唷~ XD 玩完工作坊，可以行下復活節市集。有好多嘢睇呀！ 晴晴好快已經有斬獲，貪靚係女仔嘅專利嚟呀！^^ 我哋被呢個counter嘅手作甜品杯吸引咗埋去，原來可以即場DIY番個帶番屋企，馬上行動囉！^o^ 首先加啲珠珠落個杯度，整咗個杯底先~ 店主幫我哋加啲特製嘅裝飾水~ 杯底部份完成！接住落嚟就要整杯面喇！ 搓雪糕球、幫雪糕球加啲紋理、擠cream、加顏料.... 再加埋啲珠珠同水果片，美味嘅特式芭菲大功告成！係咪睇見都流晒口水呢？XD 行市集嘅時候，都見到好多得意嘢，同大家分享埋啦！ 木嘅iPhone手機殼，可以自訂圖案，好特別呀！ 知唔知呢啲係咩嘢嚟呢？肥皂？錯！食得嘅？都錯！ 係驅蚊石同香薰石嚟呀！香薰石仲可以自己加唔同嘅香薰味道添！ 呢啲擺設同飾物都好特別，第一次見咋！ 押花首飾款款別具特色，下行中間果款係頸鍊嚟！可以裝香薰㗎！如果有人送畀我實好開心啫！(喂！晴朗爸爸識做啦！XD) 飾物、手機殼都好多檔，開始有啲花多眼亂喇！@@''' 飾物當中，我覺得用和風紙整嘅耳環最特別。我就鍾意紙鶴款，你又會揀邊款？ 又玩又食又買到心頭好，好開心！係時候番屋企囉！ 行完L2嘅市集，可以落埋L1玩，全部都係為小朋友而設㗎！ 咁啱走嘅時候遇見Donut同好友一齊巡遊，仲同大家跳番part舞添呀！ 我哋未試過響復活節設計復活蛋㗎！創作過程中，晴朗都好有心機，整完仲好有滿足感添！我都好開心呀！復活節市集真係好多嘢睇！有超過30個檔攤，當中有不少係本地原創品牌嚟呀！最surprise係有得玩DIY甜品杯，等三四日後完全風乾就可以攞出嚟睇下喇！好期待呢！有得玩、有得食，仲有咁多嘢睇，又過咗一個愉快嘅下午！大家都快啲帶埋小朋友嚟D・Park玩啦！好熱鬧，好有氣氛㗎！ D・Park愉景新城 x 麥田捕手復活節市集日期： 4月14 - 17日 (星期五至星期一)時間：12:00 - 20:00地點：荃灣青山公路398號愉景新城L2展覽區收費：火箭蛋工作坊 $25 | 襟章工作坊$20 | 印水紙工作坊$10 FIND US on:      BLOGs: CONTACT US: