係未生之前，我同老公已經網上狂search 奶樽的資料，最終覺得PA牌 第二代的奶樽cp 值較好，亦比較啱心水，係防脹氣同易洗程度都不錯... 再加埋我係一個網購達人， 發現係美國訂返黎的價錢係香港六折，大約60蚊一個，仲要有唔同圖案，所以未生之前，我已經訂左十幾個返黎... 但理想同現實有時並不相付, 我家千金早於35週2日一腳踢穿羊水趕住出黎，係醫院的nicu住了一個星期，人奶餵不了，頭一星期只係跟醫院配方奶餵佢...早產bb 吸啜力會比足月bb 弱一啲，因為佢地肺部係未完全成熟，所以返到屋企，女女對埋身有一定的抗拒.... 女女在醫院時係用扁嘴，返到黎屋企我就俾返我地之前訂左的PA牌俾佢用，可惜佢飲得好慢，餵左成個鐘最多都係飲1安，餵奶對我地黎講真係好艱辛，再加埋有黃疸，體重不升反跌，種種因素令我同老公非常擔心...日日無覺好訓，絕望到我要用杯仔餵佢，佢先肯飲小小.... 終於我收埋成set PA牌，見人地話日本CC 牌好用，坐緊月的我又出去買左一套CC 俾佢，可恨的係情況毫無好轉，bb 飲到直情發老脾，心裡又跌入低谷，滿腦子xyz... 就係不知所措之際， 見到N牌 個嘴同醫院嘴好似，心諗雖然係醫院都唔係食得咁好，但都要試架啦...今次醒左，買一個試左先，點知阿女ok肯飲，可能呢個唔使點啜都有奶出，對於早產bb黎講又真係幾有用...但留意返N牌的嘴一定要配返N牌的環先可以套落標準瓶口，如果唔係會漏架....第一次覺得原來奶嘴都有如此深的學問...新手媽媽的我真係有排學啦... Anyway... 女女肯食，體重亦升得幾好....黃疸又退埋...第一關ko左！