近期聽見有一項服務叫「快速流感測試」，起初聽過便算並沒有太在意，也覺得沒有需要用到自己身上，但係早排2-3月哥哥同芊芊都分別先後發燒傷風乞嚏，甚至公司同事都一個二個請病假睇醫生，睇完西又睇中，醫極都未好番！事後我上網睇番報導，原來今年2017年1月已經出現首宗兒童感染甲型流感的死亡個案，上年都唔弱，由9月尾至10月期間，共錄得28宗嚴重流感個案，包括17宗死亡個案。所以即刻搵番「快速流感測試」相關的資料，袋定褲袋以防萬一，希望以下分享都可以幫到大家！             1. 流感 - 不容忽視 是咁的，其實我哋呢班「打工仔」正所謂「得閒死唔得閒病」，尤其係男人做老豆的，當遇上小朋友感冒發燒，成日覺得老婆大驚小怪或者過份擔心，心諗點會咁橋...但係其實任何類型流感都有可能攞你小朋友命，因為佢哋抵抗力一般較低，所以特別易中招。睇報導D專家仲預期香港今年的流感情況會較以往嚴重，甚至有機會出現病毒變種。依家距離下個流感高峰期仲有幾個月，各位信唔信都好，Bookmark咗佢將來touch wood有咩嘢可以拎番出嚟睇！     2. 感冒 vs 流感 其實正常人真係好難分得到兩者分別，因為病徵太似，都不外乎打乞嚏、喉嚨痛及發燒等。不過原來都有幾樣明顯的差別，第一先係時間性，通常流感如(H1N1/H3N2)都係來得好急好快。第二係患病程度上，雖然兩者都有機會發燒，但係流感症狀多是高燒，即攝氏38.5度或以上(仲可以持續燒三四日)；最後係涵蓋範圍，一般感冒最多都係打乞嚏、流鼻涕、鼻塞、喉嚨痛、咳等。但係流感除此以外更帶來高燒、肌肉痛、兒童或會肚瀉及嘔吐等徵狀。流感患者有可能出現併發症，好似支氣管炎、肺炎、慢性疾病惡化等，嚴重的更可導致死亡。     3. 快速流感測試 入番正題，可能你會覺得可以等小朋友燒到咁上下，見三四日都未退就自然會知道係流感。但係其實流感都有黃金48小時，尤其係症狀較嚴重，幼兒、小童、長者等高危人士，延誤治療有機會引發肺炎或腦炎等嚴重併發症。 抑或你覺得只要有燒，話知係流感定係普通感冒，總之即刻帶去睇醫生實冇衰。由於流感與感冒的病徵太相似，撞着個醫生功力唔夠或者太多病人，醫生一時疏忽流感當感冒診斷，就真係驚驚！ 所以近年漸趨普遍的流感快速測試，一般可在診所簡單進行，只需1小時內即有結果，準確度可達九成以上。如果一早對症下藥 ，就可以抑制病毒複製，紓緩症狀和預防併發症產生，更可減少病毒傳播，避免傳染給身邊人。 測試過程只需用棉棒抹少許鼻液樣本，再進行測試。大約15分鐘，即使是病發初期亦檢測得到。可涵蓋不同種類的甲、乙型流感。 天醫健康顧問是一間有提供快速流感測試的平台，醫務所遍佈全港，大家可以打電話去查詢你屋企有邊間醫務所提供流感測試。(查詢服務係免費㗎！) Whatsapp : 91317553  Tel: 35681531  Facebook : Asclepius 天醫 每一間醫務所提供的流感測試可不一樣，大家可先致電查問清楚來源及收費等，先做好一切準備 ，萬一將來需要就唔駛臨急抱佛腳去了解及格價。 以天醫健康顧問提供的流感快速測試為例，他們採用的是日本生研QuickNavi-Flu A & B快速流感測試   。成人及小孩適用 。準確度及靈敏度 >90%  。有效判斷甲、乙型流感  。判定時間只需 8 分鐘       在日本地區，快速流感測試已十分普及，根據2016年度數據顯示，日本已使用高達1800萬個快速流感測試。所以我哋唔好再咁OUT啦，一旦小朋友患上流感，如可在黃金48小時內進行測試，第一時間得知結果後對症下藥，就會可以有助減少致命併發症出現，同時亦避免傳染其他人。 最後希望以上資訊，大家都係袋住先，唔需要派上用場！^.^ 有個溫暖又健康的家庭生活     *資料由天醫健康顧問提供* *天醫健康顧問合作文*   (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk