台北動物園同貓空纜車可以話係台北旅行必去嘅景點，無論大人，細佬都會喜歡。我地今次就用咗一日時間順住咁玩入去，到黃昏就出返去101嘅台北繽紛耶誕市集，以下簡單易行的行程就同大家分享，有興趣的都可以參考下，不妨用一日的時間同你的BBs一齊深度遊啦！ 我地無特別早起身，就返孖寶8-9點起身，之後就去我自己or 同孖爸每次都都喜歡食當地早餐的鋪頭仔食local breakfast，唔係特別好食，但我地真係好喜歡呢種感覺！ 最衰孖媽今次唔記得帶返張悠遊卡返來，唔方便好多。次次都要去買票，不過我地今次就買咗張貓空纜車版day pass包埋纜車 NT350，感覺上應該抵d嘅，纜車單程都已經係NT 120。係，應該係，除非唔係！ 台北市立動物園好簡單坐捷運就可以到達嘅啦，又平又好玩，我自己覺得台北動物園可以稱得上係一個好有水準嘅動物園，好適合我地帶孩子的親子遊家庭去。最正嘅係可以帶著Caydan Ramsey 去認識唔同嘅動物喲〜 佢有號稱“亞洲最大的動物園”的稱號，入面有8個戶外展館，仲有6個室內展館，同埋5個環境教學場所。台北動物園園區有台灣鄉土動物區，非洲動物區，沙洲動物區，澳洲動物區，蝴蝶公園，長臂猿島區，水鳥區，兒童動物區，亞洲熱帶雨林區，溫帶區等動物區等等等。真係多到數唔哂亦都睇唔哂呀，包你同BBs眼界大開。孖寶最喜歡的相信都係澳洲動物區，因為又有袋鼠又有無尾熊，即係我地叫嘅樹熊呀! 不得不提的就係動物園內設有好多休息區，帶住孖寶我地真係成日都要休息呀! 而且園內有BBs手推車可以租用，同埋可以選擇自己步行遊園或者坐觀光車觀光。老實講台北動物園真係幾大的，大家可以帶住小朋友慢慢逛，不過我地都行唔哂成個動物園〜 行到老虎店我最喜歡就係有公平貿易的coffee，我地都飲杯黎細味公平，希望大家都支持下公平貿易的產品啦。 之後到下午around 3點左右，我地就帶著BBs係動物園內接駁車上【貓空纜車】啦。其實真係好簡單，玩完動物園就可以順住上貓空纜車玩埋，好開心呀，接駁車係觀光小火車來呀!大家認住呢個路牌呀，行到車站我地就係度等車去纜車動物園南站，好像係NT 5 車費的。 而貓空纜車其實就係台北動物園的旁邊，好方便。 貓空纜車每個車廂都有畫上可愛嘅動物彩繪，天氣晴朗來坐貓空纜車，既可以俯瞰台北，又可以遠眺101都幾正架。 我地係貓空山上食咗d街頭小食，就急急走人啦，因為真係好大風呀! 不得不讚自己利害，同兩個手抱嬰兒都可以係街邊食呢d野，又無high chair2打2咁食。真係有d佩服自己同孖爸呀! 在貓空站食過小食之後，我地就繼續搭乘纜車返去行101嘅台北繽紛耶誕市集。 呢個係法國Strasbourg最著名，亦都係歷史最悠久的聖誕市集，感覺真係充滿童話嘅聖誕市集呀，令成個台北101北方廣場、同台北商圈都充滿聖誕味啊！好多在地台北人都去玩的呀！ 多狼狽的孖媽! 太愛這張相片, 很有愛! 之後再係附近食埋晚餐就結束一日嘅快樂旅程啦! 【台北市立動物園】 收費： 全票60元 (18歲以上之一般民眾。) 未滿6歲兒童免票 6歲以上12歲以下兒童購買優待票NT30。 時間： 9: 00 - 5:00pm（4:00pm停止入園） 如何前往： 搭乘捷運木柵線至動物園站即可到達台北市立動物園。 建議遊覽時間：Around 4-5 hrs Web Site: http://www.zoo.gov.taipei/ 【貓空纜車】 時間： 週二至週四 09:00 ~ 21:00 週五及國定假日前一天 09:00 ~ 22:00 週六及國定假日 08:30 ~ 22:00 週日及國定假日最後一天 08:30 ~ 21:00 週一為保養維護日，全天不營業，如遇國定假日則順延。 建議遊覽時間：Around 2-3 hrs Web Site: http://www.gondola.taipei/ 我和孖寶的Facebook Page: 荔枝與孖寶 我和孖寶的 Instagram IG#: laichimama Oh爸媽 - ohpama.com: Featured Bloggers MamiBuy香港媽咪幫：駐站部落客 Sunday Kiss: Featured Bloggers SuperMami HK：Featured Bloggers Beauty Exchange：Certified Blogger WeShare HK 親子： 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers If there is any question or you looking for me and the boys, please feel free to contact LaiChiMaMa via Email: cherrywcchan@gmail.com
