復活節假期多日，如果留係香港，行山基本上就係指定節目了，而莎拉就偏好去離島，因為坐吓船感覺係悠閒一啲！今次就選擇咗去南丫島行吓山，長假期就特別多人，所以一早就出發坐船去索罟灣！上次去南丫島時，陶寶B應該係3歲，當時行吓又要抱吓，睇吓一年後既佢今日表現如何了！ 今日天氣好好，唔算太熱好啱行山呀，好多人又老又嫩一家大小一齊行！ 由碼頭出發就一定要路經天后廟，呢位小朋友氣勢如虹非常準備好了！ 其實南丫島既行山徑真係好容易行，連推BB車都行到，所以呢條路徑真係BB級程度！行了10分鐘就會見到呢個當年日軍既防空洞，陶寶B不斷向山洞大叫，因為有回音所以佢覺得好好玩呢！ 再行了10分鐘就到了半山，由呢個位置望返碼頭及一列魚排，風景真係好靚！ Yeah, 我終於都到了..........山頂,,,,,,既一半啦! 唔覺唔覺就已經行到上山頂了，到達山頂當然係食支雪條啦.  行了一半路程陶寶B都無扭抱，真係超出預期! 既狀態咁好不如行多啲啦，終是就上埋去南丫風力發電站去睇埋個大風車喔！ 其實之前一段路由碼頭行去榕樹灣真係一啲都唔辛苦，反而行上山睇風車就難行啲，因為條路又長又斜，但係陶寶B好似上了電咁，攰呢個字從沒有係佢身上見到，反而係我地呢兩位老鬼叫住陶寶B唔好行咁快呢！終於都到啦，yeah, 到此一遊！ 明明剛才一路行都唔感肚餓架，但一落山就突然好肚餓啦，今天唔想食茶記，於是就隨便走入一間pub食lunch. 陶寶B仲指明要食wrap, 佢人仔細細居然可以食大半條呢，呢位小朋友既食量真係不能低估喔. 好令人懷念既A&W Root beer! 食飽時間剛剛好搭船返香港結束今天南Y島行山一天遊，下次向呢一個離島進發！