Baba放假可以帶波波去遠小小玩：） 今次選擇到石硤尾（對天水圍人來說，已經叫遠） 先去南山村打卡熱點：街市頂層以 3 個拱形梯構成嘅 ［彩虹橋］ 影反兩張相先。由於到達時係正午時分，所以 ［彩虹橋］ 好熱，波波摸左一次就唔想再摸@@ 影完就反去媽媽既母校食反個Tea先，食飽先有力挑戰 ［嘉頓山］ 由美荷樓旁的晨運徑前往，就可登上 ［嘉頓山］ 。上山要行大約400級樓梯，一心諗住平時都喜歡行樓梯既波波會願意行，點知又係媽媽一相情願既諗法，現實係抱足全程。**仲要要求媽媽抱 本身唔算太辛苦既路程，因為抱住波波而行到我抖大氣=,=最後頂唔順俾baba抱，先可以上到山 上到山可欣賞深水埗的景色，密密麻麻的樓宇和公廠。雖然唔算太高，但都可以感受到離開城市煩囂既感覺。帶小朋友既，可以考慮下這個初級行山選擇：） 黃昏時分上山更佳，可避開炎炎烈日，又可欣賞日落 「嘉頓山」 前往方法：港鐵深水埗站D2出口，步行至美荷樓，沿美荷樓後的晨運徑，走上樓梯便可到達山頂