五一Long weekend假期, 唔出外旅行就要搵地方玩吓啦. 陶寶B自從玩過電動車之後就迷上做車手了. 唔知幾時開始, 香港既各大商場好多時都會舉辦呢啲收費揸車既玩意, 其實買架電動車真係唔貴, 但香港地方分寸金尺地, 貴就係貴在搵地方去放架車呢, 所以無地方就唯有間唔時同佢玩吓車, 滿足吓陶寶B等佢開心吓. 今次有車玩既地方就係屯門既黃金海岸. 中午時份就到了黃金海岸, 莎拉還記得仲係中學生時, 當年好興俾錢人去影相然後自戀一番, 當年莎拉都係黃金海岸影過相架, 呢啲都已經係上世紀既事了. 今天再來就已經有個小人兒了. 今日天氣都好熱吓, 都係去食個Lunch先啦. 天氣咁熱, 最爽就係飲杯Smoothie啦.  唔打唔撞去了間餐廳, 居然有fajitas食, 以前讀書時間唔時都會食, 久遺了既味道呢. 食飽就行動啦, 陶寶b一見到車, 食飽就已經坐唔定, 急不及待了.  好啦, 上好子彈啦, 睇吓玩咩先啦.  場內有8個遊戲, 有啲相對適合較bb既小朋友玩, 陶寶b玩呢啲無咩難道既就太easy了.   雖然人唔太多, 但車實在太少了, 所以都係要等, 但係陶寶b為了玩, 等都無問題, 為既就係揸車既感覺呢. 哈哈哈!!! 除咗電動車之外, 仲有電動三輛車, 不過可能啲車叉電唔夠, 所以好慢呀.  轉戰去玩槍啦, 呢位小朋友符符轆轆又射得中target喎. 呢一邊既遊戲就係迷你包山, 但陶寶b居然怕高, 爬了一半就要返落嚟, 真係估你唔到.  啲遊戲玩到差不多了, 最後就係跳彈床, 呢個其實連莎拉都好想玩.   最後同場加映就係呢個轆轆人, 陶寶b玩到不知幾咁開心呀.   玩咗大半日, 回家之路當然有人要抱抱, 雖然抱佢真係好吃力, 但係能夠抱既日子只會愈來愈少, 所以點攰嗲哋都會抱一陣呢.