Play House可以話係兒童遊戲室的元祖，等到頸都長埋終於等到 Play House 的親子餐廳，今日帶埋哥哥同芊芊到 Mikiki 玩完又食，食完又玩，見到佢哋兩個喪玩唔駛食嘢，先至明白「唔玩唔知身體好！」呢句說話係真㗎！     全新 Play House 親子餐廳位於 Mikiki 商場，一進入商場沿扶手電梯上1/F 轉左就是了，其實在商場外都可以清楚看得見 Play House，其實都幾 Sharp 喎       兩個一搵到位坐俾我影番張相之後就已經撳都撳唔住，一支箭跑咗去除鞋玩波波池   換鞋地方空間寛敞，鞋架仲有好多層，唔駛要搵位放鞋又唔駛同人逼嚟逼去！       放鞋這一刻樣子還很斯文，但乖乖的放好鞋後...     整個親子餐廳以海洋為主題，所見裝潢擺設，甚至波波池全係藍白色為主的設計     這個火山造型的波波噴射器超正，每邊兩個窿夠哂位俾幾個小朋友同時間投放波波入去             迷宮外圍也全是魚魚魚，周圍都係熱帶魚的佈置     除了波波池的大火山造型波波噴射器，迷宮內裡也用上了啡色為主色調，沿途有多個小火山及吊橋，像置身火山之中穿穿插插!     好寛闊的空間，就連大人都輕易跟小朋友爬進迷宮 (唔駛太過彎低腰都上到去)     迷宮之下的世界，先有一條花生型攬枕通道     呀妹嚟個超高難度動作!     哥哥又跳上去粒花生攬枕...我最驚佢太重會整爛!     再來幾個雙環，馬騮扮番馬騮特別神似!         迷宮底下有一高一矮的韆鞦       迷宮內有小小障礙設施是常識吧           不得不提這個圓柱式的空中走廊，因為餐廳內有着這個結構圓柱又不能拆走，設計師卻參考外國想出了這個空中走廊，由迷宮那邊沿着天橋通往圓形走廊，很多小朋友都登上這橋，然後環迴一週你追我逐，十分好玩!         妹妹一直追着哥哥環繞一個圈，又登上天橋返回迷宮       哥哥最鍾意玩的波波發射器又點少得...剛好妹妹這個年紀未對射波有太大興趣，相反喜歡投波入發射器，一凹一凸啱啱好!       幫哥哥做緊執波妹都仲咁開心，真可愛!       其實波波池都有一個超大型發射器，仲可以一次過放好多波入去，然後一撳掣就連射咁機關槍射超多個波出嚟好刺激     入口旁都有些位置供家長等侯小朋友放電時可以休息叉電，同時也有給幼童BB玩的空間       迷宮唔少得的當然就是滑梯啦! 雖然係短咗少少，不過真係夠冼又夠斜，一瀡落去加上地上的波波，可以滑到出去好遠             餐廳內最吸晴應該係呢架海盗船造型的用餐區，可以話係 Play House Mikiki 的地標     仲設有一個圖書區，有各類圖書及兒童雜誌供選擇     餐廳內座位也很多           餐廳內還有洗手盤(洗手液及抹手紙)，十分貼心！     除咗下圖的嬰兒餐椅，仲有其他免費嬰孩服務，如溫量度、嬰兒玩具、即棄圍巾、衞生口罩、熱水、小童急救箱、儲物櫃、抱枕、濕紙巾、尿片及暖奶器     在 Reception 有提供多款桌上遊戲，我哋就借咗部足球機番去邊食邊玩     哥哥最鍾意玩足球機！但係對住我呢個機波高手想入我一球都幾難，哈哈哈～   唯有轉個對手同呀妹玩，實情係我要去點餐了！       點餐就在餐廳左邊，看過餐牌點餐付費，就係咁簡單     番埋位坐見佢哋兩個果然好認真，兩個喺度研究咩角度最容易入到波(做功課溫書可以都咁認真嗎？)   好肚餓呀！真係喪玩完一輪後大家都超肚餓，一見到食物上枱，大家都爭住不停食   夏威夷Pizza $135   焗蜜糖雞中翼(五隻) $58   香蕉船 $48     芝士牛油焗粟米粒 $58   卡邦尼扁意粉 $78   芝士牛油焗西蘭花 $58   鮮果沙律 $30   烤焗肉丸 $68     食得飽飽之後做D咩好...梗係再入去波波池碌個夠!     【#限量送禮】送出Play Cafe @Mikiki免費任玩10個名額???? (每名額包括一大一小) 。詳情請到【呀劍萬帥】Facebook專頁 http://www.facebook.com/kimfamilytravel     Photo by CANON 5D Mark IV, Len | EF 24-70mm f/2.8L USM   想跟我去體驗其他活動，快D報名親子團，同埋留意專頁公佈詳情啦！   http://goo.gl/forms/CNZMEPoMIWkouK8o2   呀劍評分: 10分   呀劍評語: 親子餐廳去過唔少，但大多數都係好玩唔好食，一係就好食唔好玩。不過Play House新開的這家親子餐廳遊樂場，卻保持到食物的水準，雖說不上高級水準，但跟Pizza乞卻有之而無不及。所以實在值得入場玩玩食食! 地址 九龍新蒲崗太子道東638號MIKIKI一樓119-120號舖 營業時間 星期一至四（非特別日子及非公眾假期） 10:00 – 21:00  特別日子*、星期五、六、日及公眾假期 10:00 – 21:00  特別日子: (2017) 1/2-6/2, 18/4-21/4, 10/7-31/8, 23/12-31-12  暴雨警告及颱風下的安排，請電 2151 9611 場次時段(每場2.5小時) 上午10-12:30 中午12:45-3:15 下午3:30-6:00 及 晚上6:15-8:45 入場費用及餐牌     電話 2151 9611  電郵 mikiki@playhouse.com.hk 網址 http://www.kidgoland.com/ (以上資料更新至文章當日)     Facebook專頁: 呀劍萬帥 kimfamilytravel   Blog網誌 : kimfamilytravel.blogspot.hk