冬天過後就沒有士多啤梨摘了，咁夏天呢？其實原來夏天都有嘢摘架，原來就係粟米喔！莎拉記得係卡通片龍貓入面，有一幕係草子次子去咗個農田摘粟米，之後仲即摘即食，就係因為呢套卡通片既影響，莎拉不知幾想試摘粟米喔！錦田鄉村俱樂部冬天就有士多啤梨摘，而踏入夏天就係摘粟米，價錢就係每支計，$30一支或$100/4支，雖然價錢貴，但係因為係有機水果粟米，試吓都好！ 粟米田唔係好大, 因為摘既人唔多, 所以可以慢慢揀. 原來粟米係生得好高架，一棵會生幾支粟米，陶寶B揀好邊支之後就大大一用park，手上就有支新鮮粟米了！ 話明係生果粟米，當然可以即食，第一次生食粟米，嘩....真係好甜好嫩，正呀！ 一場嚟到無理由只摘一支粟米咁少架，最後講價後就摘咗5支，誠惠$100！ 一場嚟到又點唔可以玩吓車車呀, 有嗲嗲陪玩專員, Yeah! 返到屋企就試將支粟米蒸3分鐘，一樣都係又甜又好味，連平時對粟米麻麻地既陶寶B都追嚟食，當然啦，自己親手摘既特別好味呢！