一踏入37wk醫生已經話細細隨時ready出黎 點知....第二日就真係有d見紅同分秘物， 即刻比人捉入醫院，不過食炸糊，第二日唔夠床位又未有其他跡象就放我返屋企！ 諗住休息多日先再返工，係屋企休息下啦，到左夜晚，沖好涼坐係床邊吹頭 係！又吹頭穿水！好在今次老公係到，拿拿林家姐仔合作自己換衫婆婆接，我同老公拿拿林飛的士出去醫院！ 去到產房，我一直以為只係穿水見紅，點知姑娘話已經開左2度係唔知點解你覺得唔痛姐 但都係未生得，要落去產前病房等，不過好快陣痛就開始黎，個幾鐘之後已經開6，又要推返落產房。 係爆痛緊既期間，原來老公入左黎陪產，一直怕血既佢原來係唔知頭唔知路情況下就入左黎。 多謝細細同家姐一樣，仲快手過家姐，由係屋企穿水到生完，3個鐘頭多d就禮成！ 辛苦之路正式展開！