到今日為止大家都話白飯魚好着過關刀，西瓜波好踢過三塊葉。西瓜波...相信係好多朋友既童年回憶，今次美荷樓一連兩日的開放日，可以俾我哋一家重溫兒時回憶真爆開心 今日星期日落兩濕濕唔想去太遠，發現美荷樓有開放日，仲用西瓜波做主題! 點可以唔去呀! (其實我哋上年都嚟過，同樣以心懷舊玩具做主題，大家可以爬文重溫) http://kimfamilytravel.blogspot.hk/2016/05/yha2016.html 食過Bruch之後差唔多12點幾，行過去大約10分鐘唔駛就到! 點知嚟到先知道原來12點前有免費小型西瓜波派，噢佬!!!!! 不過唔緊要，只要入場買少少精品都會有得送兩個! 入場先打個咭Like & Share就可獲派這西瓜波撥扇 仲有西瓜波糖任拎! 最後一粒綠色都仲俾我哋拎到...冇免費西瓜波都突然開心番哂 集齊5隻色好興奮! (頭腦簡單的老爸) 有糖食兩個梗係嘈住要! 呀哥你唔好又跌咗粒糖落地下 任何嘢俾哥哥攞上手都可以俾佢變出特別造型 今年開放日，我哋沒有特別上房參觀、生活館及冰室，只係專程嚟玩西瓜波 如果大家想睇其他地方可以爬舊文 生活館 http://kimfamilytravel.blogspot.hk/2015/09/yha-mei-ho-house-youth-hostels.html 人龍唔算好長，我哋只係排咗10分鐘就可以入去玩，排緊隊時小朋友就跳飛機打發一下時間 以人頭計每個人獲發一張號碼籌 入到裡面只有一個活動室俾小朋友玩，大大小小的西瓜波，大家自由隨心地玩起來 入場朋友都一支箭去咗打卡位，我哋卻先在這裡踢吓西瓜波，射下龍門仔 呢個芊芊最近好鍾意拍波，唔通佢對籃球有天份？ 當大家都去咗射龍門，我哋就可以霸哂成個影相位啦！仲可以慢慢排位影張靚相，所以大家記住以後出嚟玩，最熱門嗰樣留番最後就唔駛同人爭。 每節入場朋友可以玩大約10分鐘 牆上全係舊屋邨的佈景，後面寫住「禁止踢球」，係真定係假？ 個西瓜波真係超大！ 最後搵到個醒目哥哥幫我哋一家人影張靚相！ 玩完之後出去冰室外的小庭園，這裡有個Booth可以俾大家入會同埋售賣紀念品。 睇真D！嘩！一個西瓜波要$50，問番職員先知原來西瓜波已一早停產，所以先至賣咁貴，我即刻諗如果邊個屋企有的話就Keep住，話唔定兩年後可以炒到成千蚊個。 呢邊都有好多個小小西瓜波，不過就要買紀念品先至有得送兩個 見佢哋兩個咁鍾意，我睇吓邊樣紀念品最平先...原來最平都要買個膠Folder $12 那邊廂都介紹一下兩手FingFing去露營，我哋上年都去過，大家可以去爬文重溫一下 http://kimfamilytravel.blogspot.hk/2016/09/yha-fing-fing-hassle-free-camping-full.html 之後我哋入咗去四十一士多 士多內的東西同之前冇咩大分別，不過見到呢頂飲嘢帽，真係要拎上嚟帶下，其實心諗真係幾想試下。 士多今次特別售賣幾款懷舊玩具，我哋就買咗隻上鍊青蛙同埋舊式蛇螺，真心覺得好玩過依家嗰D爆「船」蛇螺！ 哥哥好興奮拎個蛇螺出嚟玩，仲可以喺條線上面轉，你信唔信... 蛙蛙翻肚了 媽咪仲買咗包叮叮糖食，但係哥哥唔啱食...好攪笑，唔知係咪呢個時代的小朋友食開正嘢！ 我哋有4隻顏色西瓜波！ 兩個要做西瓜波超人 哥哥又有鬼主意，將但個西瓜波放入褲袋，話自己個Pat Pat去咗前面，超爆笑！(唔通你就係小新) Photo by CANON 5D Mark IV, Len | EF 24-70mm f/2.8L USM 想跟我去體驗其他活動，快D報名親子團，同埋留意專頁公佈詳情啦！ http://goo.gl/forms/CNZMEPoMIWkouK8o2 呀劍評分: 10分 呀劍評語: 比上年更加吸引，以西瓜波做主題，仲有大有細，我勁鍾意張打卡相，不過最可惜係場地限制，如果唔係其實可以將這個主題再發揮，加插更多唔同活動！ YHA美荷樓青年旅舍開放日 簡介 今年YHA美荷樓青年旅舍開放日將以「巨型西瓜波登陸美荷樓」為主題，希望大家與家人朋友一同重拾和體會往日與西瓜波息息相關的生活點滴，延續屬於香港人獨有的快樂公屋回憶！ 內容包括：巨型西瓜波互動遊戲區、導賞參觀、免費限量主題紀念品、客房開放 地點 九龍深水埗巴域街70號石硤尾邨41座 (港鐵深水埗站B2出口 Exit B2) 開放時間(已完結) 20-21/5 星期六、日 10:00 - 17:00 查詢電話 3728 3550 (以上資料更新至文章當日) Facebook專頁: 呀劍萬帥 kimfamilytravel Blog網誌 : kimfamilytravel.blogspot.hk
