燉蛋有好多種製作方法，亦有咸甜之分，可以當作餸菜，也可以當作甜品。   而甜既燉蛋，相信係每位家長同小朋友兒時必食既自家甜品之一， 因為燉蛋既做法及所需材料簡單， 所以係屋企一樣都可以整到自家味道既燉蛋架， 只要發揮少少創意，分分鐘仲可以整到一個與別不同既燉蛋添！   今次媽媽我都為小JM整左牛奶燉蛋。   材料：  牛奶    一盒（約120ml） 雞蛋    一隻 糖        少量     做法：  1.）預先煲滾熱水，待用。 2.）再將雞蛋打勻 3.)    慢慢將牛奶加入已打勻既蛋液中，再打勻 4.）    最後加入適量既糖攪勻，即完成 5.）    完成後即可用錫紙包好，放入已滾開既熱水中蒸煮約十分鐘左右即可   其實除左以上材料外， 媽媽們仲可以改變做法，做出更多唔同口味既燉蛋架！ 1.）    冰糖燉蛋 （一樣可以加牛奶喔！）     材料：    冰糖、水、雞蛋   2.）    薑汁燉蛋     材料：         雞蛋         薑汁（2湯匙左右，或因個人喜好而增加／減少）         冰糖         水          做法：         1.）以磨薑器磨出薑汁，備用         2.）將冰糖加入水中煮至溶化，再加入薑汁之中攪勻，備用         3.）將蛋打勻         4.）將已打勻既蛋液加入冰糖薑汁中，再攪勻，即成     小提示：  媽媽細個個陣教我地，話：  －如果想要蛋蛋滑啲，就要係拎去蒸之前用匙羹將表面既泡泡撇除 －另外就係加錫紙，咁就可以防上水氣回落返蛋面     小JM試食後感：  小JM似乎鍾意食凍既燉蛋多過熱食 俾新鮮出爐暖暖地既蛋蛋佢食就食唔係好多，只係食左三份一， 但係食凍燉蛋呢，佢就會追住來食。 似乎係天氣熱要食下凍冰冰既野來消暑喎！               ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）