端午節飯我地地去左元朗食呀... 點解咁遠...  因為有好野食啦!!!   呢間芳記廚房老闆娘話開左2個月咋..  不過好生意都不得了...  因為佢真係食材新鮮, 而且唔落味精架!! 除左餐牌之外, 每日都有個Special Menu 既時日握介呀!!! 因為我媽媽係食素架, 定位果時可以 ORDER 埋 1 - 2 Dish 既素食... 老闆娘話佢地會洗乾淨個盆鑊先煮架... 一家乾淨!! 呢個叫薑醋雞 ...  真係好好食...  雞有酸酸辣辣既味道..  好醒胃呀!!! 雞煲既湯用黎送飯一流呀!!! (所以我呢一晚食左好多飯呀!!) 呢個節瓜圃好入味呀!! 不過唔知點解小朋友食到有辣味,  所以我地大人食得好好味!  呢個蠔煲都係我既至愛..  D蠔隻隻好肥美,  又香又好味! 最後呢2味係素菜... 有苦瓜,菜圃煎蛋.  呢個煎得好好,  蛋唔會乾身!!! 呢個係上湯菜加魚腐...  係素食, 所以魚腐同上湯都冇肉架!!! 所以啖湯係好清甜好好味!! 最後就係甜品 - 薑汁燉蛋同埋蛋白燉鮮奶 係送架...  重要每人一個, 連細細BB都有呀!!!   呢個甜品真係好滑好好味, 即叫即做....  睇片就可以感覺到係幾咁滑!!! 而味道方面一D都唔會太甜, 所以咁健康既甜品我地好放心比CCC食...... 睇下妹食得幾開心!!! 芳記廚房真係好好食...  遠少少都要入黎呢樹食..  真係物有所值!!! 大家可以黎試下...  不過... 溫馨提示, 記住BOOK 位呀! ---------------------   芳記廚房 元朗錦田高埔村108號天空之城第11座地舖 TEL:  5139 1717       ----------------------------------------------------   大家可以 like埋我地 facebook page 咁就可以緊貼我地架!!  https://www.facebook.com/pages/CCML/541687029256695   CCML BLOG 都會出現係呢幾個地方: http://ccmlfamily.blogspot.hk/ http://weshare.hk/piyobaby http://www.mybb.com.hk/home.php?mod=space&uid=10582&do=blog&view=me