唔知係咪玩完浮潛，所以特別見肚餓架，唔駛10分就返回帝皇島了，今日開餐地點就係海灘盡頭那間餐廳. 因為好多人都未行嚟開餐，所以有幸地揀到張對住海灘靚景既檯！ 午餐係自助形式，出外島玩跟團既餐都不會強求好食，旨在食得飽同埋乾淨！ 睇吓有咩食先，有冬陰湯，炸洋蔥，甜酸雞，炒雜菜，仲有水果，都ok架! 起碼唔會難食，陶寶B食飽無投訴就知了！ 食飽後就繼續我們既陽光大拍賣，起初以為岸邊無魚，其實原來都有啲魚仔游嚟游去架，行出啲仲多呀！ 8年前同大情人嚟Racha island, 今天就有小情人陪我行沙灘呢. 係海灘又點唔可以食番支雪條呀，真係爽YY喔！ 玩吓玩吓就已經到3pm既回程時間，好唔捨得呢個陽光與海灘呢，我地一定會再嚟玩架！ 返到酒店時間剛剛好，謝菲就係酒店做個spa. 而莎拉就同陶寶B係酒店玩吓水！ 雖然酒店不是5星級，但設施都唔錯呀，起碼有條小小滑梯已經足以滿足陶B啦！ 另外仲有間kids room, mercure都算係一間kids friendly 既酒店了！ 其實今日玩足全天，大家都好攰，近近地就去酒店對出既大排擋食晚飯了. 呢間餐廳都好進取，莎拉係對面換緊錢時，啲侍應就走過嚟拉客，莎拉見都好多人食，一於就試試啦！陶寶B一臉認真去睇餐牌，為既就係想叫嘢飲呢！ well嚟到泰國當然係飲椰青啦！2大1小就叫了6餸1涉，好明顯我地好似餓鬼出龍一樣啦！ 其實食物味道都可以，但係個冬陰公就堅唔掂，下午係沙灘飲果個仲好飲呀！至於價錢都可以，唔會剎到遊客一頸血！全晚最驚喜就係呢個花甲, 真係好好味, 又新鮮又甜. 今天真係太攰了，見陶寶B隨時會瞓，都係酒店玩美式桌球（pool), 叫杯飲品chill吓！ 從前間唔時都會同謝菲兩個人去篤波，但變成三人世間後睇怕今次都係第一次了. 陶寶B睇吓媽咪點篤啦！係咪好勁呢，等我教你啦！ 今晚開心時光差不多了，好好休息一下迎接明天開心行程!