各位家長小心！旺角鬧市出現街頭拐帶小童事件！小編近日在Facebook見到，有「小米媽媽」之稱的育兒Blogger Sici 在其社交網站貼文，分享自己的親身經歷。同時提醒爸媽們不要掉以輕心！   時間：6月5日，下午兩時 地點：旺角雅蘭中心一期對出 事件：帶同女兒到旺角雅蘭一期看眼科醫生後，途經該處對出的地鐵站期間，突然被一名陌生婆婆企圖帶走其小孩。 事主稱已於同日晚上致電999報案。旺角警區會派員接觸跟進，及翻查附近閉路電視調查事件。 Sici回應：「當時一直手拖着女兒，未有放開過，而該名陌生婆婆則拖着其女兒另一隻手，Sici已即時拉走女兒，不料婆婆竟繼續扯住女兒向前行。事主當場抱起女兒，才令對方鬆開手。」   原文@FB： 搶細路!!!! 旺角雅蘭中心一期對住地鐵站同報紙檔, 5-6-2017 下午2:00pm 米媽剛剛帶米米去旺角雅蘭一期睇眼科，睇完眼科行出黎，對住地鐵站，同埋報紙檔，隔黎係燈位過朗豪坊，米媽一直都拖實粒米無鬆過手，沿住報紙檔行去的士站，點知突然有個呀婆係米另一邊拖住粒米，扮曬無野向前行，我呆左，我隻手更加捉實粒米，扯返黎自己果邊，呀婆仲要繼續扯住米米手向前行多幾步，最後我抱起粒米，啤住佢問佢咩事，佢先肯鬆開手，扮無事望住我笑一笑就快快腳走左去。 之後隔黎擺BOOTH派傳單果D SALES 個個見到曬成件事發生，都即刻問我識唔識個呀婆，我話唔識，佢地都嚇到叫我小心D。 米媽抱實粒米之後去搭的士返屋企。 愈諗真係愈驚!!!! 成條街食LUNCH時間真係好多人，個呀婆都咁落手!我捉到米實一實，佢地都照拖另一隻手想扯走佢!!!! 個呀婆絕對唔係想玩!!!! 佢係完全冇同粒米講過任何野!趁人多時行近拖佢另一隻手就走，連我拖住都夠膽!我大聲話佢，佢已經好奸笑咁即走!!!前面仲有位呀伯!!亦唔知有無同黨!!!!  米媽第一次遇到呢D事，真係好驚…. ! 唔發生係自己身上都唔知可以咁猖狂!!!大家都唔好掉以輕心!!! 大家真係要睇實小朋友，就算拖實都要望下周圍環境，有拖實，但有人拖你小朋友都是即刻警戒!!! 米媽已報警落左口供，之後會聽999報案中心指示去警處詳細備案，希望警察可以加派多啲人手係果度令啲拐子佬唔敢咁猖狂     有見及此，媽咪幫小編們在此呼籲各家長，如發現任何可疑人士，請立即致電999，協助警方調查。