端午節long weekend當然要搵啲嘢搞吓，想起謝菲有張愉景灣餐廳現金卷就快到期，天氣又咁好就不如去愉景灣走一轉喔. 去愉景灣不外乎兩個方法，一係就由中環搭船，如果唔係就在大嶼山轉巴士，經濟之選當然係搭巴士去，之後晚餐在指定餐廳消費滿$120就可以免費搭船返中環呢！ 每次去愉景灣都係去碼頭廣場那一邊，今次去一去北面廣場那邊行個圈睇睇, 呢邊相比碼頭那邊真係可以用人煙稀少嚟形容，所以影相絕對無甲乙丙入鏡！ 沿著海岸線一條長長既走廊，陶b即時就發力去跑！ 呢間就係酒店附屬既禮堂，真係好似關島沖繩那些酒店禮堂，相信係入面結婚一定好靚！ 其實如果係入嚟渡假佳一晚酒店都係唔錯嘅選擇，想靜靜地既就留係北面，想熱鬧吓既搭一程巴士就到碼頭那邊，非常方便.  行了個圈陶寶B已安奈不住不斷吹速要去沙灘了，得得得，話咁快就到白沙灘. 剛好下午茶時間就去了超市買啲小食tea 一 tea!  今日天氣雖然晴朗但係玩水就好似有啲涼，所以不如玩吓沙先啦！ 其實莎拉都好鐘意愉景灣, 一來周邊環境好舒服，沙灘既配套又好，但沙灘既水就麻麻地，可能因為係人工開發既所以同天然既始終有唔同！ 眼角望遠啲見到點解個沙灘遊樂場既設施好似更換咗，於是就行去睇一睇啦，嘩，行近望一望不得了，因為所有兒童設施都更新了，好正呀！ 呢個氹氹團，好得意呀，莎拉都係第一次見咋！ 眼見前面呢個㵦滑梯仲好玩，陶寶B一於挑戰吓佢. 雖然爬上去係有啲難道，但係能夠成功上到去就可以玩到呢個又快又滑既滑梯，點都要爬到上去玩呀. 呢個陶寶B瞓咗落去, 立時好似一隻倉鼠咁, 笑C人呀!  其實係沙灘上玩都好呀, 起碼唔駛擔心小朋友趺到. 眼尾又望到一班小朋友係度排緊隊, 究竟玩咩呢?! 原來係玩飛索, 正呀, 睇吓陶寶B點扮泰山啦.    呢個遊戲真係好好玩, 如果大人可以玩, 莎拉都想排埋一份呀! 咁啱明天有龍舟比賽, 所以沙灘上面布幾隻龍舟游乾水.  陶寶B就扮晒龍舟選手, 跟你啲拍子爬就慘啦,  如果靠你爬上岸, 睇嚟有排都唔到岸呀! 不如都係早啲去食飯吧! 今天就食西班牙菜, Yeah.  呢位小朋友有嘢飲, 成個人舒服晒呀!   全部都係陶寶B鍾意食呀, 今日大家玩咗成日好肚餓, 一於食好啲呀! 食完晚飯用張單就可以換到船飛, 舒舒服服住船返香港呀.  愉景灣呢個新既兒童樂園真係好好玩, 睇嚟呢個暑假都會成日嚟啦.