除左之前講過蒸身同做運動之外， 媽咪仲有煲艾草湯比我飲，媽咪話落艾草、蜜棗同瘦肉煲就得，味道ok唔難飲， 有無幫助就唔求証唔到啦 而我身邊的朋友就推介左個app比我， 個app叫period calendar 呢個app用黎記錄每個月既經期日子， 要先記錄左幾個月， 咁個app之後就會自動計每個月既經期同受孕期， 計出黎既經期日子都好準， 通常只會差一兩日， 受孕期果幾日仲會寫埋受孕機會係中定高，不過受孕期日子準唔準我就無求証過啦，之後我地就跟住呢個app計出黎既受孕期訂左個馬代造人之旅 之前聽好多有曬計劃生BB既朋友講都要試半年左右先成功bingo，但唔知係咪馬代實在太靚太舒服， 加上我一早知道自己唔容易有BB，只係諗住早d開始試，無果種好想bingo既心態同壓力， 竟然比我地一擊即中左 造人之旅返香港之後經期遲左， 連續驗左幾日都未驗到bingo， 直到第3日終於驗到， 原來bingo果條線係淺色過條對比線好多， 即係有可能之前已經驗到但自己睇唔到都唔出奇 一開始我係用最平既萬寧牌，好似中左之後再用Clearblue電子驗孕棒再驗多次先確定真係中左，呢支電子驗孕棒大約$90左右， 仲會顯示埋有左幾多個星期， 驗完寫住2-3姐係已經係有左2-3星期，因為唔算平所以就確認多次真係中先用 仲有d朋友推介我淘寶買大衛牌紅綠D黎睇排卵，但因為聽落太麻煩， 所以諗住半年都未成功先試，結果就唔需要買啦   歡迎follow我facebook專頁：Miku媽媽&大舊