自從年頭去完大樹先生之後，陶寶B就對此地念念不忘, 每次問佢想去邊度玩，佢就一定話波波池，阿囝您知唔知大樹先生真係好難book架！好彩近排係Mikiki就開了間PlayHouse, 雖然同樣要訂位，但今次有朋友仔代訂位！ 跟從玩呢啲波波池既經驗，如果午餐或晚餐時段去玩，成本會貴好多，因為正正係開飯時間唔通唔叫嘢食咩，另外小朋友一定掛住玩到時唔食嘢，所以個人認為玩下午茶時段就最抵玩！好啦講咁咁耐，收費如何呢？$220包一位成人及一位小童，如果另加一位成人就$70, 而2大1小既每惠顧就有$70現金代用卷用作店內食物消費! 波波池用藍白色為主, 整個場地用海洋作主題.   一夠鐘可以入場，小朋友第一時間當然衝向波波池.  除了波波池，小朋友可以爬上仲有波波氣槍玩.  與大樹先生的最大分別就係有上層可以玩,  上面那一層有不同既不同既障礙玩意. 大人都可以跟埋一份架. 瀡滑梯就幾時都係最受歡迎既！ 場內另一亮點玩意就係呢個小火山，小朋友不斷入波，而個小火山就會噴波波，好鬼得意.  場內仲有枝波波槍可以同朋友仔嚟一場大戰呢！ 玩咗一陣要飲杯嘢先，飲品價錢比大樹先生就平小小，不過款式就當然小一點，而叫食物既形式就係自助形式！ 另外店內同樣設有洗手設備方便大人小朋友隨時洗手！ 場內另一影相位就係海盜船造型既生日會區，相信小朋友係入面開生日會一定好開心！ 波波池既下層真係別有洞天，原來穿過呢啲障礙物後, ,,,, 入面原來有兩個小秋千係度！ 玩既時間由15:30去到18:00，小朋友玩既時光真係好快過，完場時每位小朋友可以獲得汽球一個！ 整體嚟講，莎拉覺得與大樹先生比較，個人比較喜歡大樹先生因爲相對較多元化，play house就只有波波池，沒有好似大樹先生既沙池及火車玩，不過價錢及book位容易度就當然係playhouse優勝啦！但係在小朋友眼中或者分別不會太大，其實只要佢地鐘意，去邊間玩都無所謂！