又到一年一度陶家大日子了，係咩？咪就係陶寶B既生日呢！今年呢位小子已經係5歳啦，有晒自己既喜愛公仔或卡通，所以為了要囝囝一笑，今年莎拉都不能避免要用陶寶B最鐘意既Thomas火車作主題了！ 雖然一如既往生日會只是在家搞，但都想令呢位小男孩有個難忘既生日會，所以裝飾一定唔少得！   係生日會前一晚，莎拉周謝菲就漏夜不斷地剪剪貼貼，到了第二天，陶寶B一瞓醒就見到，仲聽到佢講「嘩...好靚呀！」，跟著就衝咗入我地間房同我地講好靚喔，搞咁多嘢都係想你有驚喜開心吓！ 今天係得生日會呀, 你有無收到我既invitation呀?! 雖然人小小既party, 但都要整個陶寶B眼中既大餐. 陶寶B成日都話要飲益力多，但平時莎拉係唔會買既，既然今天係你主場，就當然有益力多飲啦！ 除此之外近期陶寶B愛上食wrap, 生日派對一定要有佢！ 仲有串燒蝦蝦，好味道呀！ 今次party陶寶B都有參與幫手架，佢就係幫手整曲奇！ 甜品就係三色啫理，簡單又方便！ 好嘢, 開大餐啦, 有益力多, 又有姨姨送既Flynn火車, 好嘢! 陶寶B最開心時刻當然係唱生日歌吹蠟燭啦! 有個Thomas and Percy既蛋糕, 不知幾咁開心呀! 今年5歲了，又大個仔啦，媽媽繼續祝你開心健康好好享受童年就足夠了！  好嘢呀, 媽咪嗲咃送咗個walkie talkie 對講機, yeah!!! 可以係房度call媽咪啦!