踏入7至8月，小朋友開始放暑假，同時亦係唔少父母去旅行的高峰期，不少新手父母都會選擇帶埋BB去旅行，但前準備的功夫都唔少，唔想「揦手唔成勢」？跟著以下清單完成，就可以安心出發啦！   《 1 準備證件相 》   由於需要申請不同類型嘅證件, 所以影證件相可以話係安排旅行嘅第一步。合規格嘅證件相係一般沖晒店都可以影到。 而家好多家庭都有photo printer, 所以亦都多左人自己影證件相, 但就要留意以下幾點: 1) 面部要對正鏡頭 2) 白色背景 3) 相片尺寸係40mm闊x 50mm高, 相中人由下顎至頭頂應為32mm至36mm, 頭頂要預留適當空位 4) 相中人笑容唔可以露出牙齒, 亦唔可以瞇眼     延伸閱讀：自己動手做證件相面試相   《 2 申請香港身份證及特區護照 》   雖然11歲以下兒童唔一定要有身份證, 但如果要申請特區護照就一定要有身份證, 所以要一次過申請兩樣野。   申請身份證要填寫表格ROP03 下載連結: http://www.immd.gov.hk/pdforms/ROP3.pdf 呢部份你需要提交嘅文件包括 填好左嘅表格ROP03 BB 照片一張 *注意申請身份證係免費嘅。   16 歲以下兒童申請特區護照要填寫表格ID842 下載連結: http://www.immd.gov.hk/pdforms/ID842n.pdf 呢部份你需要提交嘅文件包括 填好左嘅表格ID842 BB 照片一張 父/母或監護人身份證或旅行證件副本 BB出世紙副本 劃線支票一張 (32頁$185, 48頁$230), 抬頭寫「香港特別行政區政府」 注意：11歲以下兒童係要提供學生手冊或者學生證副本, 但BB 未番學讀書, 所以就要填多一份「副署事項表格」(ID641), 由BB父母或監護人以外18歲以上人仕擔任副署人, 可以考慮叫祖父母幫手。   下載連結: http://www.immd.gov.hk/hkt/forms/forms/id641.html 呢部份你需要提交嘅文件包括： 填好左嘅表格ID641, 注意表格上要貼上BB照片, 副署人需要跨越相片邊及表格簽名 副署人身份證副本     以上資料齊備之後, 就可以透過以下途徑申請:   親身遞交   先要上網 (www.gov.hk/tdbooking) 或打電話 2598 0888 預約去各區辦事處申請, 各辦事處地址同辦公時間可以參考以下連結內「入境事務處分區辦事處」 http://www.immd.gov.hk/hkt/contactus/address.html     郵寄   將以上所有文件寄去灣仔告士打道7 號, 入境事務大樓4樓, 旅行證件及國籍(申請)組。   投遞   辦公時間去到各區辦事處將申請文件放入投遞箱, 呢個做法同親身遞交嘅分別係唔洗預約。   *注意11歲以下兒童係唔可以網上申請特區護照。 萬事俱備之後, 大概等14 個工作天就可以完成申請, 咁就可以開開心心同BB 去旅行啦。   延伸閱讀：帶住BB 去旅行 (一) 延伸閱讀：帶著小B去旅行。申請護照篇   《 3 買機票 》   不少父母心中都會有疑問，其一是，如果我想讓兩歲以下的小孩子佔座位，應該怎樣買票？第二個問題是，票價會比嬰兒票便宜嗎？   由於航空公司太多, 每間做法可能有偏差, 今次以國泰為例，嬰兒票不算特別便宜，因為是以大人全價機票的10%計算，全年任何時候價錢也會是差不多，所以如果能多付數百元能讓小朋友有自己的座位，那也是不錯的選擇。     可以怎樣買呢？小編試驗後的結果如下   1. 兩歲以下的小孩要佔座位就要買小童票。而且不一定要透過熱線去買，可以直接在國泰網站買。 2. 小童票是有機會比嬰兒票便宜。   很多航空公司都有註明小童票的價錢是大人票的75折，不過國泰好像沒有。它們的小童票好像不是以大人的全價/特價票去計算，所以還是直接去它們網站找一找比較好。   再以新加坡為例子，試過選不同票價的大人票(上圖是最便宜的830 HKD)，小童票的價錢基本上跟大人一樣，只是稅項少了100 HKD。我猜兒童票應該不會比大人票貴，可能上限是根據大人票來擬定的吧。   四月份時去新加坡，我買的嬰兒票要1400 HKD，跟上圖的小童票只差數十元。 所以說如果在國泰的Fanfare超特賣時段購票，幫小孩買小童票應該會比嬰兒票便宜。     那坐國泰，好像買兒童票比嬰兒票更化算。始終有些航空公司的嬰兒票是你搜到的大人票價的10%，要買國泰的嬰兒票感覺很差。   延伸閱讀：帶住BB 去旅行 (二) 延伸閱讀：帶小人去旅行台北足兩歲購機票篇       《 4 BOOK酒店 》   如果BB 不佔床位基本上好似兩個人去旅行咁book 房就得, 冇額外費用。但出發前要問清楚酒店有咩BB 設備可以提供, 例如BB 床, High chair, BB車, 暖奶器等等, 預早book 定就可以帶少D 野, 減少行李負擔啦。   延伸閱讀：新手媽媽同BB去旅行準備及台北酒店推介 延伸閱讀：帶著小B去旅行。台中酒店分享 延伸閱讀：台北遊 (準備篇) 延伸閱讀：BB去旅行 出發前準備篇   《 5 買保險 》   買旅遊保險是必須的，如果一家大小去旅行，可選擇「家庭式」的，保額會有低至高幾種，如果大家無時間慢慢比較，一般就建議選中間價錢。   不過都需要視乎旅行的地點、行程是否涉及高風險活動、和自身的需要。     基本上意外/死亡，一般住院都包晒，最重要係有咩事都足夠可以包機返香港。一般而言，小朋友多數最易出事係唔見野 (即遺失行李)，所以在選擇時可特別留意。   比較各大旅遊保險 https://www.moneyhero.com.hk