平時去飲茶, 最鐘意點個豉汁鳯爪排骨飯食, 飽肚又唔太大盅, 有飯氣落肚又有空間食多幾款點心. 這款傳統港式蒸飯真係陪伴唔少人成長, 當然包括我. 出街食過了飲茶時間, 都唔係咁易食得到, 除非去專飲夜茶既舖頭...但自己煮其實好Easy...絕對不是什麼大project...今次我用Bruno深鍋做, 全個過程只要30分鐘左右, 好快就食得.  ​ 材料:  排骨             300克 炸鳯爪             6隻 米                  1杯半 水                  1杯 蔥花(裝飾用)    調味料:  豆豉              2湯匙 蒜蓉              2湯匙 乾蔥頭          1個 紅椒              1隻 生抽              1茶匙 糖                  1茶匙 鹽                  1/2茶匙 紹酒              1湯匙 生粉              2茶匙 胡椒粉          少許   其他:  煲仔飯豉油/ 甜豉油   ​ 做法:  1. 排骨洗淨後, 加入調味料醃1小時. 鳯爪洗淨抺乾.  ​ 2. 米倒入深鍋中鋪平, 加1杯水 (接近淹過手背即可) , 開爐中火加蓋煮至飯吸乾水8成. (約6-8分鐘)  ​ ​ 3) 飯煮至8成熟後, 即可放上排骨和鳯爪, 平均鋪好, 加蓋以中火煑20分鐘至排骨熟透. ​ 4) 最後加入蔥段裝飾即可. 吃的時侯可加入煲仔飯豉油或甜豉油伴吃.  ​ 用深鍋煮煲仔飯都能煮出飯焦, 又唔易煮燶, 火喉控制很簡單, 幾時想食煲仔飯都無問題了.    聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤Pixnet❤ ❤The Ztyle❤ ❤She.com❤ ❤weshare❤ ❤Qooza❤ ❤UBeauty❤ ❤Beauty Exchange❤ ❤博勢力❤ ❤Esdlife❤ ❤ chef-diary❤ ❤OpenRice❤ ❤mamibuy❤ ❤ubaby❤