話咁快就9個月啦！係走佬袋都未執既情況下，一定要分享孕婦寫真呢個topic~ 分得香港篇就証明我唔止影左一輯啦 :p 結婚時，我既pre wedding都係台灣同香港各影左一輯，懷孕都一樣，都超大機會係一世人一次~ 所以都忍唔住要影返輯~ 明明係先去台灣影，不過收相竟然香港嗰輯收相先~ 所以就先分享香港篇囉 :)   自從成為孕婦後，Facebook都會成日彈啲孕婦寫真廣告出黎，唔覺唔覺都like左幾個page~ 大部分都係室內~著下晚裝、內衣咁~ 因為貼身既衫比較顯肚~ 不過係香港我又唔太接受到好性感，所以最後就揀戶外、自然風~   影既時候係32週~我呢個細碼孕婦個肚總算叫睇得出 :) 攝影師好好咁提議左幾個戶外地方俾我地揀~最後我地揀左附近既單車公園~ 拍攝時間大約係一個鐘，所以我都只係準備左影2套衫~   由於香港呢輯想影得自然啲，所以我就無揀到包化妝既package~ 當日一早就自己化個日常妝~攝影師超級準時就到左~   影既時候攝影師唔只教我地點擺pose~ 前幾日仲有提我帶下口水肩、鞋仔~ 我呢個懶散準媽媽當然就真係只帶左呢2樣野！ 點知攝影師幫我地準備左乾花、絲帶同黃色鴨仔俾我地影！ 仲細心過我！真係超唔好意思... :p   大家唔好以為一個鐘好短，當日超好天，影左唔夠一個鐘我已經覺得好攰 >"<... 最後影左一個鐘多d~攝影師都流晒汗，完全無趕收工~係我就不停心諗要去吹冷氣~   影完後幾日已經收到全部相！當然係未執嫁啦~ 不過攝影師有簡單調下色，超有feel！ (Package本身包20張執相，由於我覺得已經好好，所以都無打算再叫攝影師執~我真係一個好好既客 :p)     Facebook : 80後的人妻「旅」友  Instagram : https://www.instagram.com/wingring/ 邀稿 : wingring417@gmail.com / wingring@ymail.com