陶寶B生日，莎拉媽媽又抽水惜阿囝名義想山去玩！2月才去完布吉，所以今次生日就短短地去澳門2日1夜嚟個gateway! 熱辣辣當然去玩水. 雖然新開既巴黎人有水上設施，但水上樂園那邊又要另外收費，一家三口計落都唔平，所以放棄了巴黎人！至於新濠影滙都有水上樂園漂流河，值細妹上年住過覺得酒店麻麻地，所以最後都返回Galaxy既懷抱，上次住galaxy,今次就試試JW Marriott 喔！星期六一早搭8:15船，哈哈，我地真係玩到好盡，因為計過就算未能取房都可以先去天浪淘園玩. 去到澳門仲試了在氹仔個新碼頭呢，同之前那個臨時碼頭，呢個新碼頭真係好大！不過那些酒店接駁巴士就不像從前那樣近了，出了關口都要行5分鐘才上到巴士！ 去到酒店可能因為早所以都無人check in, 酒店職員好nice, 佢見今日係陶寶B生日就upgrade了我們的房間之餘仲現在即時可以攞到房，嘩.....好滾動呢太好人了，有房真係方便好多呢！ 房間upgrade 了向天浪淘園景，真係正好多，一見到窗外的景色就好有渡假feel 了！ 呢位小朋友成日都話要去酒店, 所以今日真係好開心. 相比起上次住既Galaxy, 莎拉更加鐘意JW Marriott, 房內既配套更加有心思，起碼見到部nespresso 咖啡機就立時加分！ 浴室大就一定了，但估唔到有埋電視呢！ 有人已經忍唔住當張床係彈床啦. 每次去旅行咁樣影相就係Tao's family既指定動作喔. 好啦, 開始2日1夜開心行程啦. 參觀完一輪間房就要去玩水了！去到3樓首先要對資料房間才可進入，進入既係JW Marriott 的酒店泳池，提提大家JW Marriott 既更衣室內設有locker,仲點係免費架（其他酒店既更衣室locker 是收費的）！ JW Marriott 既泳池分了三部份，第一既就係大大個泳池（水深1.2M),鐘意游水曬太陽既一定鐘意. 第二個就係一個按摩池（Jaccuzzi), 當日莎拉浸時唔知係天氣熱定係池水溫度設定，按摩池既水係好暖，所以浸了一會按摩池之後跳入大泳池，一冷一熱好爽呢！最後就係兒童池附設有瀡滑梯，因為水好淺，所以可以好放心俾小朋友玩呢！ 呢個小小滑梯又點可以滿足陶寶B呢？ 大個囝就要玩勁啲呀，一齊去天浪淘園玩啦！由JW Marriott 進入天浪淘園要再出示及check之後才可以進入，進入前仲會係手度打個印，相信係防止啲人入多過限制人數.  配得未呀?! 嚟到一定玩番轉lazy river先！ 呢個透明段既lazy river, 一睇就知道係天浪淘園啦. (見唔見到我地呀, 陶寶B叫佢做透明Pat Pat, hahah! 今年陶寶B覺得自己大個囝啦，唔想同大人坐一個水泡，佢要自己游水，傻瓜，坐住個水泡浮吓浮吓不知幾爽呀！ 好多花灑呀, 正呀, 我要由頭濕到腳呀. 今年天浪淘園有新嘢玩，就係呢部大型雪碧沖身機，擺放位置就係第一期近galaxy 酒店那知人造沙灘. 嘩好得意呀，一齊衝去㩒制爽吓先！ 想知有幾得意, 去片!!!! 溫馨提示大家，部沖身機每一小時才會開放30分鐘架！ 今年除咗有呢個雪百碧沖身機之外, 園內都放了好多colorful充滿南美風既小屋, 影相好靚架. 等玩之時可以係沖吓浪先，唔係講笑，啲人造浪真係勁呀，不斷將我地沖返上岸呢！ 玩了一陣都肚餓了，陶寶B成日話要係泳池邊食嘢，今日就滿足吓你啦！ 3個人都好肚餓，一齊食大餐啦！ 但其實呢位小朋友不知幾眼瞓，等食途中仲瞓咗，當食物一嚟到就立時起身自動波食Burger, 睇嚟真係肚餓得好緊要!  今朝咁早起身，食飽就自然有啲眼瞓，最好就係嚟小睡，咁樣瞓就真係第一次呢！