對於懷孕中的媽媽來講，每一次檢查都會令人忐忑不安，由7週開始要等聽到BB心跳，11週T21報告結果，到20週過後的結構超聲波檢查，不經不覺間整個孕期終於捱過了一半， 照結構前2天的日子基本上是渾渾噩噩渡地過，一早叫老公請假陪我去，畢竟好消息定壞消息都需要人一起面對。 終於等到預定日子，準時到達診所，不過都等了差不多2小時先見到醫生(又話香港生育率低!?)， 一開始醫生就照BB的腦袋比我地睇，其次是面部的器官、接著是其他身體各種器官、骨骼發展情況、手仔腳仔等，最後醫生都有開一開4D比我地睇BB個樣，BB全程都好合作，沒有背向我地，而且仲不時伸手伸腳，將來應該是一個活躍寶寶，到照4D睇樣時仲識得對住我地笑，睇到爸爸媽媽好慼動。 雖然BB SZIE偏細，不過醫生都有講媽媽比較細粒，所以唔需要太擔心，最緊要是BB健康。 好開心終於過了一半孕期，結構報告正常，媽媽我終於可以去大肆掃貨啦~