不經不覺都玩到4pm了，上酒店房沖個靚涼之後出去啦. 由酒店行去官也街, 最方便就一定係經銀河酒店商場. 商場內周圍都係充滿夏季色彩. 好多打卡影靚相位. 最得就係呢個3D影相位, 陶寶B扮得似唔似滑水呢?! 由酒店行過馬路就係地堡街, 所以去官也街真係好方便, 仲快過搭的士呢. 去官也街就一定係買至愛晃記手信！ 之後就一定要食埋個大利來記豬扒包喔. 食飽真係要行吓消化吓先可以呀, 行到葡韻之家平時對開既池塘今日就開滿了蓮花, 好靚呢. 嚟澳門都離不開食食食, 次次嚟澳門都食buffet, 但老實講，莎拉及陶寶B真係唔食到幾多，所以今次不如試試semi-buffet, 大倉酒店6樓既和庭餐廳正合莎拉心水！ 成人$298/ppl，小童（5-11歳）$149/ppl, 埋單用中銀信用卡仲有20%off！前菜頭算及甜品就是自助住食，主菜選擇都好多，另外每位仲有一盤既海鮮便當，以呢個價錢都唔錯了！ 裝修簡潔, 沒有迫既感情. 前菜有多款沙律，三文魚刺身，parma ham等等，陶寶B淨食前菜都已經飽了！ 而莎拉最鍾意食包, 一盤熱辣辣既包真係好鬆軟呢. 海鮮便當有生蠔，蝦，龍蝦，蜆，青口及翡翠螺都好齊好豐富！ 謝菲就點了牛肋骨而莎拉就點了葡式焗鴨飯！兩款都好好食，牛肋骨好juicy 又軟！ 而個焗鴨飯望落好似好普通，但內有好多鴨肉，好香好好味！ 有位小朋友今日玩到無晒電, 食飯食到好眼瞓呢. 其實今天都由朝玩到晚，大家都無咩電了，行一陣商場就要上房了，因為酒店送既生日蛋糕都差不多時間送到了！ 陶寶B, 生日快樂呀，你每天都開心快樂身體健康就已足夠了！