小b一向都唔太喜歡食蝦 媽媽將它製成香口的蝦餅 用鮮蝦剁成蝦膠，特別新鮮好味 小b話咁快食哂落肚 材料: 1. 鮮蝦 8-10隻 2. 新鮮粟米粒 適量 3. 胡椒粉 少許 (可省略) 做法: 1) 蝦去殼去腸，洗淨抹乾，用刀背拍扁，然後剁成蝦膠。 2) 碗內加入蝦膠，灑上少許胡椒粉，用筷子順一個方向拌勻，再加入粟米粒拌勻。 3) 預熱易潔鑊，掃上少許油，用匙羹將粟米蝦膠捏成小餅形，中小火煎至兩邊金黃 (並不時用鑊剷壓一壓) 及熟透，完成。 notes:- 1) 一歲以上及對食材沒敏感的寶寶食用。