呢排既天氣又熱又焗，真係會令人胃口大減。 除左煲多啲清潤既湯水之後， 其實都可以煲下糖水， 都係一個幾唔錯既選擇呀。   小JM媽就整左一款既滋潤又養生既糖水，仲岩晒一家大細食添架。 據說功效可以媲美貴價既燕窩、花膠， 但價錢就極親民，所以又有「平民燕窩」之稱。 你又知唔知係咩呢？就係 「桃膠」啦！   今次小JM媽就用桃膠整左  － 紅棗杞子圓肉鮮奶燉桃膠！   咩係桃膠？ 桃膠顧名思義即是桃樹既產物 桃膠係由桃樹天然分泌出來既一種淺黃色透明既樹脂液 而當桃樹所流出既樹脂液當遇到空氣就會凝結成為硬身既晶體，就成為左我地食用既桃膠啦。   桃膠，可以話係近年興起既一種天然食材，因為價錢平功效佳，所以有「平民燕窩」之稱添。     桃膠既好處 原來桃膠除左坊間所講滋潤養生外， 中醫師亦指出桃膠亦有助補充水份、潤燥， 而且對潤腸、通便及尿道尿甚有幫助。 桃膠適合大部分體質既人仕食用，一星期食一至兩次已經好夠架啦。   今次買左一大樽桃膠返來，可以得閒就慢慢整來食 想幾時食就預早一晚浸定就得。   桃膠點樣清洗浸發？ 桃膠一般需要浸發大約十至十二小時，以令桃膠發大及變軟身。 因桃膠亦會含有雜質，所以必須經多次浸發、過水，及除去黏係表面既雜質即可。   因為桃膠經浸發之後會脹大，所以千萬唔好一次過發太多，以免造成浪費喔！ 大約一至兩湯匙已經好夠架啦。   取出桃膠之後，就要將桃膠放於水中浸泡約十至十二小時。 即係話隔一個晚上就okay啦！ 第二朝就可以拎出來再清洗，將夾雜住係桃膠既雜質除去備用就可以了。   紅棗杞子圓肉鮮奶燉桃膠 材料： 桃膠    適量（要記得預先發好喔！） 大紅棗    六粒 杞子    適量 圓肉    適量 鮮奶    一盒    做法： 1.） 將 紅棗、杞子、圓肉洗淨     紅棗剪開除去核，備用   2.） 將鮮奶倒入大碗中   3.）將預先發好既桃膠加入至鮮奶中   4.） 取適量已洗淨切好既紅棗、杞子、圓肉加至碗中   5.）以錫紙包好湯碗，並將湯碗置放於水中燉20－30分鐘。     6.）完成後可按個人喜好加入冰糖，即可。 夏天天氣咁熱，唔想食熱既糖水亦可以將糖水雪凍先食，一樣都係咁美味。   因為小JM都有份食，所以媽媽我並無加冰糖。 但因為紅棗、圓肉都帶甜， 所以味道一樣唔錯喔！   製法簡單容易，大家都不妨一試呀！ 實行過一個健康有益又甜絲絲既Summer！       ♫ ESDlife靚太Club 。 星級榮譽會員 ★ sleepyceci  ♬ ♩ BK Milk。親子語。駐站Blogger  ★ 傑。斯與晴  ♪ ♫ Mami Buy香港媽咪幫。駐站Blogger ★ 傑。斯與晴 ♬ ♩ Ohpama。Oh爸媽。駐站Blogger  ★ 傑。斯與晴  ♪ ♫ 媽媽經 。 駐站精選Blogger  ★ 傑。斯與晴   ♬  ♩ Ubaby Magazine。駐站Blogger  ★ 傑。斯與晴  ♪   歡迎追蹤 小JM 既Fanspage 「傑。斯與晴」： 如有任何查詢/合作，歡迎聯絡我同小JM 參與產品試用或者各樣活動 媽咪既Email係： sleepyceci＠hotmail.com 小JM既Facebook Page： 傑。斯   與   晴 （Jolie Babe。小JM の 成長印記）