看到這個熟悉不過既人物 大家會否認識它呢? 雖然我認識它既時間不算太長,它亦不是小妹陪伴成長 但是它是曾經陪過我小朋友時候, 在酒樓的跟爸媽飲茶的閱讀時光 之前睇完都唔係好明佢地既故仔, 但係大了,開始有點明白舊陣時既故仔係特別好睇.... 起碼之前冇而家咁復雜... 主題餐廳近來愈開愈多,但係始終主題餐廳 唔知點解d 野食總係可能得個靚字,但係味道就差d 啦 不過朋友仔話老夫子餐館好食啵 一路以來都諗,又係主題餐廳 一定好睇唔好食架啦,但係朋友話生日好想黎試下 既然朋友叫到,就試下呢間老夫子會唔會同平時既主題餐廳一樣   由於店鋪位置於二樓,除左係樓下有一個老父子既公仔之外 上到二樓更加有驚喜,因為除左老夫子仲有薯頭先生迎接你     整個餐廳都會以番之前老夫子漫晝中既內容 唔知有冇一二幅漫晝你仍會有印象呢?     由於當天遲左先到,朋友們已經把菜式點好 咁我就叫杯想飲既野飲品好啦 呢一杯既花茶名叫"一飛沖天" 呢一個熱情鮮果茶,比起平起係cafe 或餐廳飲用既花茶更多 重點係個茶壺真係好過隱,不過要斟既時候都要好有技巧 唔係就有機會再倒瀉架啦 但係真係好足料都好好飲啵 份量都可以斟到2-3杯     朋友話黎到老夫子冇理由唔食佢地既 [龍爭虎鬥] $68/4 隻 其實龍爭虎鬥就係瑞士雞翼, 要整瑞士雞翼唔難,但係要做到咸甜適中就唔係易事 因為要令雞翼入味,就要浸住黎煮~ 平時街買既瑞士汁落得多又會偏咸又要落糖慢慢試 但係浸住煮又會令d雞翼有機會因醬汁令d雞翼骨斷開及開始鞋口 但係今次呢一款既雞翼反而做咸甜適中,肉仍是嫩滑的 真係好想同廚房偷下師     當大家以為瑞士雞翼同瑞士汁炒牛河係某間餐龐既名菜 其實我覺我係老夫子餐館仲好食 今次呢個坐享其成 $88 就認真令小妹我想食曬成碟佢啦 首先佢地既牛肉唔係小貓三四場塊,起碼都應該有十塊 然後D河粉係一條條夾得起,唔係成餅野咁樣 最重要係D 醬汁Mix 埋落去d 河粉一流呀喂!!     輪到主菜啦,我地叫左鐵板餐 當中有三款可以揀 好似有羊扒,西冷牛扒同牛柳 由於朋友仔對於羊類食物冇咩好感 所以我地就點左呢款牛柳黎試下   今次呢個係出神入化 $208   呢個黑椒牛柳,我地就叫左7成熟   仲可以加30蚊跟餐,有湯有野飲, 好似我個D 花茶/特飲好似加多$18   或者吃慣五成熟既我就覺得好似有一點過熟 或者由於佢係鐵板上既關係, 雖然我個人認為過熟但係事實佢既肉質仍然可以做到 肉汁仍Keep 住,加上佢唔洗點樣點個汁 個牛柳都好夠味,佢地既所有食品 調味方面真係做我幾好, 而朋友對呢個鐵板上配菜讚不絕口 我就好鐘意佢地既薯格,我朋友就最愛佢地既薯蓉 仲笑說有冇單叫一個薯蓉架?   本身仲諗住買個蛋糕上去同朋友仔慶祝 但係另一個朋友話上面餐廳都有蛋糕唔好買啦 但係壽星話蛋糕成日可以食,但係好想試下d 特別野 今次我地就叫左香橙梳乎厘 得意忘形 $118   我同朋友講做咩今次黎呢間主題餐廳食既, 同去個間又係老字號既餐廳食既野差唔多咁 佢話就口咁問先有比較呀嗎???? 的確呢個梳乎厘同個間老字號一樣咁巨型 不過當然多左個老夫子既樣係度啦 但係味道上就好似冇咁吸引,唔知係唔係因為飽既關係呢? (順帶一提,呢個甜品係即叫即焗,所以要多DD時間架)     唔知大家會唔會留意到我今次既分享 所有既菜式名係四字成語呢? 其實係老夫子漫畫入面,所有既主題都係 以四字成語為主,有D 成語都係係老夫子度學番黎 仲要佢地既六格漫畫係可以清楚解釋番呢個成語既意思 黎到餐廳好多之前既主題都會係眼前, 難怪之前朋友們都洗曬版話黎食啦   不過當天小妹去搵餐廳時,老夫子就收左入去 唔係過左對面街再望番對面都唔為以間餐館係度 所以大家想黎試就要記得望一望個牌面啦   今次介紹的餐廳是: 老父子餐館 太子彌敦道777-781號安寶樓1樓 https://www.openrice.com/zh/hongkong/r-%E8%80%81%E5%A4%AB%E5%AD%90%E9%A4%90%E9%A4%A8-%E5%A4%AA%E5%AD%90-%E8%A5%BF%E5%BC%8F-r499466       希望你地都喜歡小妹既介紹啦 想隨時留意小妹及小PQ生活點滴同Blog 文分享       記得要Like 我既專頁啦   ↓↓↓↓↓↓↓               ◕‿◕如有任何問題歡迎聯絡小妹  電郵:manman811@gmail.com    以下地方可以找到小妹架^^   BlogSpot ❤ Instagram ❤ OpenRice  ❤ FB 專頁 TheZtyle ❤ BeautyLife ❤ She Blog ❤  U Beauty ❤ Beauty Exchange